مقابلة غريبة وتناقض من الhr
السلام عليكم،
أنا توني مخلص مقابلة لوظيفة هندسة دعم فني / مكتب خدمة في شركة عالمية كبيرة ولها فرع بالسعودية. المقابلة كان فيها كمية ضغط مو طبيعية، والمقابل قال لي أشياء صدمتني وخلتني مرة محتار. أحتاج رايكم وخبرتكم في الموضوع.
اللي صار في المقابلة:
* **نظام الشفتات:** مع إن الوصف الوظيفي مكتوب فيه شفتات تدويرية (Rotational Shifts)، إلا إن المقابل قال لي: "ما فيه جدول ثابت، وممكن نكلمك بأي وقت حتى لو الساعة ٢ الفجر ولازم تجي وتتأقلم مع الوضع".
* **سؤال شخصي غريب:** سألني إذا كنت أعزب، ولما قلت إيوه، قال: "أحسن، لأن تكون مرن أكثر بالشغل وما عندك التزامات عائلية تمنع"! وحسيت إنه يلمح إنهم بيكرفوني عشان هالشيء.
* **الأوفرتايم والمهام الإضافية:** ضغط علي بقوة بخصوص ساعات العمل الإضافية، وهل أنا مستعد أمسك تقارير ومهام ثانية غير المهمات الأساسية. من كثر التوتر والضغط خفت وضاعت علومي وقلت له "إيوه أنا موافق وعادي عندي كل شيء" بس عشان أعدي المقابلة، والحين مرة ندمان إني وافقت على كل شيء بهالسهولة.
**اللي صار بعد المقابلة:**
أول ما طلعت، كلمت موظف الـ HR عشان أستفسر (مع العلم إنه من شركة توظيف خارجية مو HR من الشركة نفسها)، وصدمتني ردة فعله لأنه ناقض الكلام تماماً! قال لي: "لا تشيل هم، هذي شركة كبيرة ومستحيل يصير هالشيء، الشفتات مجدولة وثابتة، والأوفرتايم اختياري، وما حد بيكلمك الفجر". وعن المهام الزايدة قال إن الوصف الوظيفي ما يكتبون فيه التفاصيل الدقيقة وممكن يكون فيه مهام بسيطة زيادة.
الحين أنا ضايع وودي برايكم:
١. هل أقدر أغير رايي وأتفاوض لو جاني العقد الرسمي مع أني وافقت بالمقابلة ؟ (يعني مثلاً أشرط عليهم ما أشتغل بعد ساعة معينة بالليل؟).
٢. هل المقابل كان بس يستقعد لي ويقيس نبضي ويشوف كيف أتحمل الضغط، ولا الـ HR جالس يلعب دور "الطيب" عشان يرقع الموضوع ويخفي بيئة عمل استغلالية وياخذ عمولة؟
أنا حديث التخرج والوظيفة مرة تهمني لأنه صار لي فترة مو لاقي شيء، بس ما أبغى أتوظف بمكان يعاملني بهذا الشكل ومتعب.