Mga Congressman nga Nag-YES sa Impeachment ni VP Sara, Init Karon sa Mindanao
Nag-init karon ang reaksyon sa social media human naggawas ang listahan sa mga congressman gikan sa Region X, XI ug XII nga nibotar ug “YES” sa impeachment ni VP Sara Duterte.
Daghan sa mga tawo sa Gensan ug ubang parte sa Mindanao ang nadismaya, labi na kay kabalo man daw ang mga politiko nga kusog gihapon ang suporta sa mga taga-Mindanao kang VP Sara. Tungod ani, daghan karon ang nagaingon nga dili nila kalimtan ang nahitabo pag-abot sa election.
Sa Region XII, apil sa mga nibotar ug YES sila Edwin Cruzado, Dinand Hernandez, Ruth Sakaluran, Bella Suansing ug Dibu Tuan. Samtang sila Rudy Caoagdan ug Samantha Santos, pa-end of term na.
Daghang netizens ang naga-comment nga panahon na kuno nga tan-awon ug tarong kung kinsa gyud ang tinuod nga naga-representar sa tingog sa katawhan.
“Kung pro-Sara man diay ang kadaghanan sa Mindanao, ngano man nibotar sila ug YES?” mao kini ang pangutana nga sige ug tuyok online karon.
Padayon pa ang init nga diskusyon, ug posible nga makaapekto gyud kini sa umaabot nga eleksyon.