تقييم بنت غريبة تنام معي
فكرة التجربة باختصار بنت غريبة تنام معي في مكالمة صوتية على الديسكورد.
الهدف من التجربة هو التخلص من شعور الوحدة والاحساس بالأمان.
جربنا عدة تجارب، لعدة أيام
أول تجربة:
كانت تجربة فاشلة والسبب مافي صوت يطلع من عندها اول مابدينا ننام وكان نفس الاحساس اني انام لحالي.
التجربة الثانية:
عدلنا اعدادات الديسكورد وقربت المايك من فمها وصرت اسمع انفاسها وانام عليه وهذا الشيء استمر لكل التجارب وكانت تجربة اسطورية فعلا حسيت بالأمان وراح شعور الوحدة وللأمانة بدأت تتكون مشاعر وصرنا ننام يوميا سوا لمدة شهر وتعلقنا ببعض واذا فيه يوم ماقدرنا ننام مع بعض تحس فيه شيء غريب وغلط.
كانت فيه عشوائيات كثيرة صارت في التجارب مثلا لما ام البنت تدخل تصحيها في الصباح وانا اصحى معها على صوت أمها 😭😭
وصارت اشياء كيوت يعني مثلا في مرة شافت كابوس وصحيت خايفة نادتني وهديتها ومانمت الا بعد ماتأكدت انها نامت قبلي ووالله جاني احساس حلو وقشعريرة
و لاحظت في الفترة الأخيرة صار يطلع صوت عالي (شخير) كان مزعج الصراحة.
بس بشكل عام التجربة ممتازة وانصح فيها وافضل شعور لما هي تصحيني على صوتها الناعم وتقولي صباح الخير بدل صوت المنبه!
تقييمي النهائي 9.5/10 بشرط الطرف الثاني مايشخر وغرفته هدوء ويقدر يعدل السماعة بحيث تسمع صوت انفاسه.