هل العلماء متاكدين انه حجمه صغير ويبتلع اي جسم قريب منه بس يدخل افق الحدث ويضل ينقسم الجسم قسمين بسبب قوة جاذبية الثقب (تاثير المعكرونة) ؟ هل هذا الشي مؤكد ١٠٠٪ ؟ هل اكو احتمالية (مثلا) نظرية ثانية يكون حالة خامسة للمادة مثلا مادة صلبة بس ينزلق عليها كلشي حتى الضوء ؟ او يعني المهم هل اكو نظريات عن الثقب الاسود وتختلف بشكل جبير عن الفكرة الرئيسية له ؟
بفضل جهود كل من إدوين هابل وجورجيس لوميتر وألبرت أينشتاين وآخرين، أصبح لدينا نظرية الانفجار العظيم، التي تقر بحدوث انفجار كبير في بداية الكون منذ 14 مليار عام. في ذلك الوقت، كان الكون مكدسًا في نقطة واحدة، متضمنة كل المادة في الكون، وظل أثر ذلك الانفجار يمضي قدمًا حتى الآن، إذ مازال الكون يتمدد إلى يومنا هذا.
لاقت تلك النظرية قبولًا واسعًا في المجتمع العلمي تحديدًا بعد اكتشاف الخلفية الكونية المكروية بوساطة أرنو بنزياس وروبرت ويلسون عام 1965. وباستخدام التليسكوبات الرادوية، استطاع العالمان تحديد بقايا الانفجار الذي لم يختفِ عبر الوقت. وبالتعاون مع روبرت ديك الباحث في جامعة برينستون، تأكد بنزياس وويلسون من فرضية ديك التي تقول إن وجود الإشعاع ذي المستويات المنخفضة المنتشرة في أرجاء الكون يرجع سببه إلى الانفجار العظيم.
شباب اني بفترة امتحانات ومااكدر اركز ع الصب هواي
فاحتاج مودز ينشرون ويديرون وهاي الامور 🙏🏻
وياريت لو يكون متفرغ يعني حتلو مو طول الوقت بس عنده وقت فراغ شوية بيومه
دراسة البارحة نشروها الي بيها غيرها اسم متلازمة تكيس المبايض PCOS الى PMOS
و التي تعني بانه هذا المتلازمة مو بس بالمبايض و انما تشمل خلل هرمونات و ايض تؤثر على الجسم بشكل عام مو بس تأثر على المبايض لان قبلها التشخيص يعتمد فقط على حالة المبيض اذا بي تكيس او لا فهسه بالجديد صار التشخيص اوسع و اشمل ، و اساسا ماكو شي اسمه تكيس مبايض مثل ما يظهر بالسونار هذا مو تكيس للبيوض و انما بيوض زغيرة توقفت عن النمو بسبب PMOS
و هذه وحده من الاعراض ماعدا مقاومة الانسولين و امراض القلب و السكر و خربطة الهرمونات .
رابط الدراسة POMS
نظريا لو جنت انسان خارق ويتحمل كل الظروف واجيت وبطريقة ما وصلت لاخر نقطة بحدود الكون وتوسعها، اكدر اخرج منها ؟ لو لا ؟ وشنو يصير لو جنت خارج حدود الزمكان ؟ شي مو منطقي اعرف بس حرفيا شيصير يعني يتوقف الزمن يمي ؟ زين شلون امشي او اصلا اكون موجود بلا مكان ؟
سالفة ترجع شباب وسر الشباب الدائم صارت السالفة صدك وصايرة هسة بالمختبرات الفكرة إن دمنا هو اللي يتحكم بعمرنا وبنخاع العظم اكو خلايا جذعية هي المسؤولة عن هالشي بس من نكبر هاي الخلايا تتعب وتتوصخ من جوه اكو جزء بالخلية اسمه الليزوزوم شغلته ينظف الخلية هذا من نكبر يصير عاجز وما بي حيل يشتغل بس العلماء گدروا يسووله مثل الرست أو الفورمات ونشطوه من جديد فجأة الخلية العجوزة نظفت روحها ورجعت تشتغل كأنها مال واحد شاب يعني حرفياً ديرجعون عمر الدم للصفر يعني العلم ديگوللنا ان الشيخوخة نكدر نصلحها بالصيانة ما أدري أحس الموضوع شوية يخوف معقولة كلها حتصير شباب ومنشوف عجايز بالجيل القادم؟ بس هم يطمن مراكز التجميل راح تعزل المهم إذا تريد تتأكد فالبحث منشور بمجلة Nature Cell Biology والباحثة اسمها إيمانويل من جامعة كولومبيا واسم البحث هو Endosomal-lysosomal activity declines with age
من سنة 1920 ولحد هسة نصنع تايرات السيارات ونضيف لها مادة سودة اسمها كاربون أسود والكل يدري إنها تخلي المطاط قوي وما ينمرد بسرعة بس الصدمة وين الصدمة إن العلماء طيلة هالقرن جانوا حايرين ليش هذا الكاربون بالذات يسوي المطاط هيج صلب وجانوا يمشون الأمور بالخبرة والتجربة يعني تشتغل وما نعرف ليش
السر اللي كشفوه هسة شنو طلع الموضوع مو مجرد خبط مواد السالفة إن جزيئات الكاربون من تدخل بنص المطاط تسوي حركة خباثة كيميائية تروح تسوي طبقة كلش رقيقة أرق من شعرة الراس بآلاف المرات حول جزيئات المطاط وهاي الطبقة تتحول لشي يشبه الجام أو الزجاج من ناحية الصلابة
تخيلوا المطاط اللي هو طري صار محمي بدروع زجاجية مجهرية فمن السيارة تمشي وتضرب طسة أو تحمى التايرات من السرعة هاي الدروع هي اللي تمتص الصدمة وتوزع الحرارة وما تخلي السلاسل مال المطاط تنهج أو تتكطع
ليش هاي السالفة ممكن تهمنا؟
لانو هسة وبما أنو فهمنا الخريطة مال هاي العملية كدرنا نطبقها على أشياء ثانية يعني باجر عكبة الروبوتات اللي راح نصنعها للمصانع أو حتى للأطراف الصناعية راح نكدر نسوي عضلاتها من مواد تشبه المطاط بس بقوة الفولاذ لأن صرنا نعرف شلون نلعب بالجزيئات ونخليها تسوي هاي الطبقة الزجاجية بمزاجنا يعني السالفة بدت بتاير سيارة وانتهت بفتح جديد بعالم الميكاترونكس وهندسة المواد
المصادر للي يريد يقلب بيهم
أبحاث Nature Communications عن ميكانيكية الكاربون والمطاط
تقارير ScienceDaily الأخيرة عن لغز البوليمرات المفقود
دراسات Journal of Chemical Physics اللي شرحت سالفة الطبقة الزجاجية
تدرون شنو المرعب بمفارقة فيرمي مو بس فكرة إننا وحدنا لا المرعب هو "الصمت" هذا السكوت الكوني يخليك تصفن وتكول معقولة كل هاي المجرات اللي عمرها مليارات السنين ما كدرت تطلع حضارة وحدة تدز إشارة راديو لو تبني صرح فضائي نشوفه بالتليسكوب يعني الأرقام والرياضيات تكول الكون لازم يكون مزدحم بس الواقع يكول إحنا بوسط صحراء فضائية مالها نهاية وهنا يجي السؤال اللي يطير النوم من العين هل إحنا "الأوائل" والكون بعده ببدايته لو إحنا "الناجين" وكل اللي قبلنا انقرضوا وانتهوا قبل لا نوصلهم لو يجوز إحنا بحديقة حيوان كونية والكل ديباوع علينا بس ممنوع يحجون ويانا لحد ما نعبر مرحلة الطفولة الفكرية اللي إحنا بيها هسة والحقيقة إنك كلما تحاول تحل هاي المعضلة باستخدام المنطق والمبادئ الأولى راح توكف كدام حايط مسدود وتكتشف إن وجودنا بحد ذاته هو أكبر لغز فيزيائي ممكن يواجهه العقل البشري بهذا الوجود الغامض والمخيف بنفس الوقت والعلماء اللي غاصوا بهذا الموضوع جانت آرائهم هيج:
١ - إنريكو فيرمي وهو صاحب الصرخة الشهيرة "اين الجميع" وجان يشوف من الناحية المنطقية إن أي حضارة عدها تكنولوجيا بسيطة تكدر تستعمر المجرة كلها بظرف بضعة ملايين من السنين وهالمدة تعتبر "رمشة عين" بعمر الكون فعدم وجودهم معناه اكو خلل جبير بحساباتنا للواقع
٢ - فرانك دريك اللي صاغ "معادلة دريك" الشهيرة حتى يحسب عدد الحضارات الذكية بمجرتنا وبناءً** على معطيات العلم كلشي بالمعادلة جان يشير إن الفضاء لازم يكون "هوسة" ومليان إشارات لاسلكية وحضارات متطورة بس النتيجة الصفرية اللي شفناها خلت معادلته تتحول من أداة قياس إلى لغز يبحث عن جوا**ب
٣ - روبن هانسون وهو اللي طرح فكرة "المصفى العظيم" ويكول إن اكو مرحلة من التطور صعبة لدرجة إنها تمسح الحضارات قبل لا توصل لمرحلة التواصل الكوني ويحذرنا إن هذا المصفى لو جان كدامنا بالمستقبل فمعناه البشرية دتمشي بخطوات سريعة نحو انقراضها المحتوم مثل اللي سبقونا
٤ - كارداسيف اللي صنف الحضارات حسب استهلاكها للطاقة وجان يتوقع نلكي حضارات من "النوع الثالث" اللي تسيطر على طاقة مجرة كاملة بس غياب أي أثر لهيج طاقة عملاقة يخلينا نشك إن التطور التكنولوجي ممكن يوكف عند حد معين وما يكدر يتجاوزه بسبب قوانين الفيزياء
دائماً** أحاول أفهم أصل القوانين بالفيزياء**،** بس من توصل السالفة لـ "ميكانيكا الكم" المنطق كله يوكف.
أكو لغز بميكانيكا الكم اسمه 'مشكلة القياس'يدوخ أكبر عالم. الفكرة باختصار: الجسيمات بالذرة تكون بحالة "تراكب"،** يعني موجودة بكل الاحتمالات وبكل الأماكن سوه. بس اللحظة اللي نقيسها بيها أو نباوع عليها، تترك كل هاي الاحتمالات وتختار مكان واحد بس !
السؤال اللي محيرني ومحتاج نقاشكم:
شلون وبأي منطق الجسيم "يقرر" يثبت بمكان معين بس لأن إحنا باوعنا عليه؟
ليش القوانين اللي تمشي على الذرة تختلف جذرياً** عن القوانين اللي تمشي علينا**،** وشنو "الأصل" اللي يربطهم**؟
هل الوعي مالتنا إله دور مادي بتكوين الواقع، لو إحنا بعدنا سطحيين ومانعرف نربط بين العلم والفلسفة؟
الموضوع مو مجرد معادلات، السالفة بيها "ليش" عميقة تخص وجودنا كله. انطونا آراءكم، هل الواقع موجود فعلاً** لو إحنا كاعد نصنعه**؟
برأيكم** منو اكثر عالم قدم اشياء كثيرة للبشرية بس مانال التقدير **الكافي؟
أهلاً** بكم
هذا المكان صُمم لأولئك الذين لا تقنعهم النهايات الجاهزة**،** بل يبحثون عن البدايات. هنا**،** نحن لا نستهلك القوانين**،** بل نُعيد بناءها من الصفر. العلم بالنسبة لنا ليس مادة للحفظ، بل هو "سيستم" منطقي متكامل؛ إذا فهمت أصله، سقطت كل تعقيدا**ته.
هنا نقدس "الاشتقاق" ونؤمن أن كل معادلة هي قصة منطقية تنتظر من يفك شفرتها. إذا كنت ممن يغوصون خلف الـ "لماذا" ولا يكتفون بالظاهر، فقد وصلت إلى موطنك
Welcome all
This is a sanctuary for those who refuse to accept "final results" without questioning their origins. We don't just study laws; we deconstruct them. To us, science isn't a collection of facts to be memorized, but a profound logical architecture.
In this space, "Derivation" is our language. We believe that every formula is a logical narrative waiting to be decoded. If you are driven by the "Why" and find no satisfaction in the superficial, you have found your tribe.
**Think deeper. Derive everything.**
عمر ياغي اردني-امريكي من اصول فلسطينية اخذ جائزة نوبل للكيمياء سنة 2025
عمري ياغي هوة مؤسس علم جديد يعرف بعلم الكيمياء الشبكية هوة ابتكر طريقة لربط الجزيئات المعدنية مع جزيئات عضوية علمود يسوي هيكل بلوري دقيق كلش واسم هذا الهيكل او الهياكل (الهياكل الفلزية العضوية MOFs) هي عبارة عن هيكل يشبه الاسنفج يعني بي عدد هائل من المسامات واكثر مثال مشهور للمقارنة هوة انه غرام واحد من هاي المادة بي مسامات او فراغات بمساحة ملعب كرة قدم كامل.
وهاي المواد حيل مثيرة للاهتمام لانها تحل مشاكل الكوكب من ناحية الحصول على المياه من الهواء العادي يعني هواء الي تتنفسة يتحول لماء
ويستفاد منها بالصحراء بسبب الجفاف وقلة الرطوبة هناك وهاي المواد مو بس تكدر تطلع مي من الهواء بل وتحل ازمة لاخ وهية ازمة ثنائي أوكسيد الكاربون بحيث هذا الهيكل يحتجز هاي الغازات بداخله بشكل امن تماماً.
تم استعمال هاي المواد الاسفنجية الروعة حرفيا برحلة ارتميس2 الي صارت قبل فترة. مبدئيا تخيل ثلاث رواد فضاء كاعدين بمركبة فضائية صغيرة جدا والي جان اسمها (اوريون) اكيد اي بشري راح يتنفس وراح يحرر غاز ثنائي اوكسيد الكاربون اهنا يجي دور مواد(MOFs) مثل ماكلت سابقا تكدر تحتجز ثنائي اوكسيد الكاربون بالتالي خطر اختناقهم راح يختفي والغاز يتم حجزة او التخلص منه بعدين والفائدة المهمة جدا الي هي استخلاص المي من لاشي يعني معروف انه كل كيلو مهم بالمركبة الفضائي فا مو معقول تخلي كمية هواي من المي والي حتزيد ممكن اطنان او اقل من الوزن فا دور المواد الشبكية هي استخلاصها بدون الحاجة لهاي الاوازن العالية من خلال رطوبة المركبة الي ناتجة من التنفس وتعرق الرواد.
هسه بعدما سمعت كل هاي الانجازات تكدر ترشح اي عالم عربي ممكن يكون صاحب جائزة نوبل الثالثة ؟
شنو قنوات اليوتيوب العلمية الي تحبون تستمعون الها سواء كانت عربية او غيرها، وشكرًا