r/tadawul

اول شيء لازم اوضحه اني مبتدئ و اقصى استثماراتي اني حطيت كم ريال بصناديق امريكية زي spus spte hlal و الطقة ذول

لما اشوف اسعار الاسهم لكبرى الشركات المحلية على مدار الخمس سنوات الاخيرة استغرب ليش الواحد يحط فلوس فيهم، اسعار الاسهم ما تنمو ابدا بالعكس كلها انخفضت عن ما كانت عليه قبل 5 سنوات، فإيش السبب اللي يخلي الواحد يشتري بأرامكو و الانماء و STC و غيرها من الشركات الكبيرة ذي؟ هل هو عشان التوزيع بس؟

زي ما كتبت فوق راتبي ٦٠٠٠ اصرف على الالتزامات ٢٠٠٠-٢٥٠٠
وباقي فلوسي قاعده اثث فيها شقتي وعدت نفسي احط خطه ماليه بعد الشقه كمان ناويه ادرس على حسابي وابغا يكون عندي صندوق طوارئ وابغا صندوق ادخارات اذا ما ادخرت بخليه صندوق استثمارات طويله الاجل
وابغا صندوق برضو استثمارات قصيره الاجل هل اقدر اسوي كل ذا براتبي ؟
احتاج نصايحكم

منصة الراجحي كابيتل قبيحة وتجربتي معه سيئة

مبلغ بالراجحي عجزت أسحبه يطلع لي حدث خطأ

وين تنصحون أهاجر، ووش الآلية؟
مع العلم أني مستخدم ويب فقط، ولا أستخدم تطبيقات

طول عمري في سوق الفلس و خلاص أبغى أطلع

نصائحكم تهمني

و عندي سؤالين 1- أفضل تطبيق تداول في السوق الأمريكي

2- أدق موقع يفلتر لك الشركات الحلال في السوق الأمريكي

طبعاً الراجحي نطلعه من الحسبة لأن تطبيقهم زق و شكراً

أهلين كيفكم؟

واحد من اخوياي سولفت معه اني ربحت كثير من تسلا ومبسوط، جاد شخصن الموضوع معي ويوريني مؤشرات وتحاليل ان البيتكوين افضل!

مصدوم والله

ليش العرب عندهم تعصب حتى بالآراء؟ يحسسك انه هو صاحب البيتكوين ومالكها

شيء مرعب صراحة التعصب للراي، صرت اخاف اسمع اراء احد بالاستثمار ، بعضهم يجيك مشخصن الموضوع ومتعصب لرايه يحسسك انها مباراة بين الهلال والنصر

هذا طبيعي؟

أهليين

خلونا نكون صريحين مع بعض

النمو بالسوق السعودي بطيْ جدا واغلب الهوامير يلعب عليك ينزلون اكتتابات وياخذون فلوسك وهو يروح يودي فلوسه للاسواق الاجنبية

ليش الهامور مايدعم الاقتصاد المحلي؟ ليش يخلي السردينات تدعم السوق؟

هل القويز كان يدعم الهوامير ضد السردينات؟ بليز نبي شرح علشان ماينضحك علينا

السلام عليكم ورحمة الله وبركاته اذيكم جميعاً ، هل حد عنده رؤية واضحه للسوق بقالي سنة ف السوق السعودي وحقيقي كل يوم عن يوم خسارة هل الموضوع محتاج صبر ولا نوقف علي كده ونشوف سوق تاني ؟! ، وشكرا لكم جميعا

كانت السيولة فوق ١٠ مليار قبل ما يجي والان ٣ مليار؟

بسم الله الرحمن الرحيم

ماهو القطاع او السهم الذي تتوقع انه بيرتفع فوق 10 اكس ان شاء الله خلال ثلاث الى خمس سنوات من الان طبعا هذه وجهة نظر شخصية لكل مشارك ماهي توصية

شروط الاختيار :

اذكر سهم واحد فقط (ماينفع تطرح ثلاث اربعة اسهم ويلا لا)
علل اجابتك (ليش تتوقع بيرتفع ١٠ اضعاف بإذن الله)

وبأبدأ بنفسي وطبعا هذه وجهة نظر شخصية ماهي توصية شراء او بيع وكل مسؤول عن قراره

القطاع : استخراج الذهب والفضة

السهم vzla

الاسباب :

جاذبية منجم بانوكو كعائد واستثمار
التوترات الجيو سياسية وارتفاع الدين العالمي وضعف الثقة في العملات الورقية مما سيسهم في ارتفاع الذهب والفضة والله اعلم

يا جماعة الخير، السلام عليكم..

​عندي هدف أساسي الفترة الجاية إني أشتري سيارة وأشتري أرض، وجالسة تدور ببالي فكرة: هل ممتاز إني أفتح من 3 إلى 5 مشاريع بوقت واحد عشان أسرّع الدخل؟ ولا تشوفون إنه تشتيت والأفضل أمشي "حبة حبة"؟

​مع العلم إني حالياً أجهز لاختبار STEP وبعده IELTS، وقاعد أحاول أوفق وأخصص وقت للمذاكرة وللمشاريع.

​وعندي استفسارين ياليت تفيدوني فيها:

​إدارة المشاريع: هل فيه شركات بالسعودية تراعي مشروعك وتمسكه من ناحية الإدارة والتشغيل (مثلاً لو بفتح مصنع أو أي نشاط ثاني)؟

​إدارة المحافظ: هل فيه شركات ممتازة ومضمونة (سواء محلية أو عالمية) تدير المحفظة الاستثمارية بالأسهم أو الفوركس بشكل احترافي؟

​وش رايكم بالخطة ككل؟ هل النطحة بـ 5 مشاريع مجدية ولا أركز على شيء واحد وأمشي حبة حبة؟ تهمني تجاربكم وآرائكم!

​يا شباب، بأسألكم عن شغلة. أنا اشتريت سهم قبل شهر وما نزلت لي أرباح شهرية، ليش؟ مع العلم إني أستخدم منصة الرياض جلوبل.

​حالياً أفكر أحول لمنصة Interactive Brokers (IBKR)، لأنهم يقولون إنه أسهل وأرخص في شراء الأسهم مقارنة بالوسيط المحلي. لكن المشكلة إن عندي أسهم في الرياض جلوبل وعلى خسارة. غير كذا، في ناس تقول لي: "لا تحول فلوسك لـ IBKR إلا إذا كان عندك رأس مال كبير"، فوش رأيكم؟

​أيضاً، أنا مشتري أسهم توزيعات شهرية وما وصلتني الأرباح، هل السبب إن المبلغ قليل أو في شيء ثاني؟

​وعندي كم سؤال إضافي لاهنتم:

​لو حولت لمنصة IBKR، هل أقدر أفعل تنبيهات رسائل نصية (SMS) عند شراء السهم أو لما تنزل الأرباح؟

​أسهم التوزيعات الشهرية، هل تنزل الأرباح للأبد؟ ولا ممكن تتقطع في أي وقت؟

​لما أحول لوسيط عالمي، هل ياخذون نسبة على تحويل الفلوس؟

​بصراحة المفروض من زمان محول على IBKR، بس أبوي قال لي "لا تشتت نفسك" وقعدت على المحلي، لكن الوضع مو عاجبني أبداً لأنهم ياخذون عمولة كبيرة في الشراء والبيع.

​أنتظر شوركم وتجاربكم!

انا توني جديدة على سوق العمل وتو متخرجة وبيصير ينزل لي راتب قرابة ٨ الاف بالشهر
طول فترة الجامعة اللي كان يجيني مكافاه ومصروف ١٠٠٠ يعني حول الالفين بالشهر فما قد تعودت يكون بيدي مبلغ زي ٨ الاف بشكل شهري وصراحة القفزة شوي مخوفتني
مابي اتحمس بالبداية واصرف على اساس ان معي فلوس وبعد نص الشهر القى نفسي مزنوقة وبنفس الوقت مابي راتبي كله يروح مصاريف بدون ما اجمع او استثمر منه
خصوصا اني شايلة مصاريفي كلها بنفسي بنزين نت اكل ملابس طلعات واي احتياجات ثانية
فاللي مر بنفس المرحلة كيف بديتو تديرون راتبكم وكم تحطون للادخار والاستثمار وكم تخلون للصرف
وبرضو هل تنصحون ابدا استثمار من اول راتب ولا اول كم شهر اجمع مبلغ للطوارئ وافهم معدل صرفي بعدها ابدا استثمر
ابي اقدر استمتع براتبي واشتري اللي ابيه بدون ما انزنق بنص الشهر وبنفس الوقت مابي تمر كم سنة واكتشف اني ما استفدت من راتبي بشي
للعلم انا عايشه بالرياض واطلع مع اهلي وصاحباتي بشكل اسبوعي ف ممكن هذي تنحط بالحسبان ايضا

افكر اخصص مبلغ من المكافأة الجامعية لمحفظة استثمارية
ابي نصائحكم و وجهة نظركم هل يستحق ولا، طبعًا الخطه إلى ان اتخرج يعني ٥ سنوات