منطق الأهالي العجيب: سماعة بتلات تلاف جنيه شغال، بس بروسيسور بتلات تلاف جنيه مستحيل! 🤦♂️
يا شباب أنا عندي 16 سنة ولحد دلوقتي مش قادر أفهم تفكير الأهالي في مصر بيمشي إزاي في حوار التكنولوجيا ده!
يعني ممكن جداً تلاقيهم بيوافقوا يدفعوا أكتر من تلات تلاف جنيه في سماعة (Headset) عادي جداً، سواء عشان مقتنعين إنها غالية فهتعيش، أو عشان "متصدعناش بصوت اللعب بتاعك".
لكن تيجي بقى تطلب منهم نفس التلات تلاف جنيه عشان تعمل أبجريد للبروسيسور (CPU) بتاعك عشان الجهاز بيموت وبيدروب فريمات ومش قادر يشغل حاجة.. تلاقي الرد الجاهز: "ما الكمبيوتر شغال وزي الفل وبينور قدامي أهو، إنت بس اللي بتدلع!"
يعني تلات تلاف في إكسسوارات ومظاهر تمام، بس تلات تلاف في قطعة أساسية هترفع أداء الجهاز وتريحه لأ؟ إيه المنطق في إنهم بيستخسروا في الهاردوير الداخلي اللي بجد عشان "مش شايفينه بعينهم"؟
حد هنا بيعاني من نفس الأزمة دي مع أهله؟ وبتعملوا إيه عشان تقنعوهم إن الأداء وأجزاء التجميعة أهم من المظاهر؟ شاركونا المعاناة 😂