اسعار الكيبوردات والمهزلة بالعراق
شلونكم شباب خلي اسولفلكم على الكيبوردات شوية لان داريد اشتري واشوف السوك رايح صاير مهزلة بالمعنى الحرفي
حاليا الي ديبيعون كيبوردات كلهم كيبوردات ميكانيكي بأسعار خيالية وميعرفون الكيبورد ميسوى ربع بس لان شافوه بأمزون لو موقع
يعني مثلا واحد من الأشخاص ديبيع كيبورد ميكانيكي مال كيمنك قبل 4 سنوات جان اب 150 مادري بيش وهسه هو ديبيعه اب 150 الف والله علساس راقي وفدشي وغالي بأمزون اول شي انت جايبه مستعمل باله يعني يمكن حتى سويتشات مبدليها ثاني شي انتهى زمن الميكانيكي حشاكم بس محد بعد يشتري ميكانيكي وره ما نزل المغناطيسي
نرجع للنقطة الثانية الي يبيعون شبيكم متكلولي ترى انتوا جايبيه مستعمل يعني يبيعلي مستعمل اقل من سعر الجديد بالباكيت من الشركة اوصيه اب 10 لو 15 خوب اروح اوصي من الشركة ويعطوني ضمان شكو اخذ منك
اني هسه حاليا كيبوردي ميكانيكي وصراحة اشوفه ميسوه بعد خاصة بعد ماقريت عم المغناطيسي
نقطة ثالثة الي يبيعون وره متقرون كلامي مو تروحون ترفعون اسعار المغناطيسي مثل المشايفين لان المغناطيسي هسه هم نزل اقوة منه الي هو tmr يعني بعد سنة سنتين حتى المغناطيسي بعد محد يعترف بيهم
المهم نصيحة لاي واحد يريد كيبورد لتشتري ميكانيكي اشتري مغناطيسي الميكانيكي انقرض واسعار المغناطيسي صارت رخيصة خلي أصحاب الباله الي عنده ميكانيكي عمره قرن وسعره 200 دولار ينام على كلبه لان مايسوون ابد
والي عنده مغناطيسي من اهل البالة ترى هو باله مستعمل حتلوا كبس مال شركة لا بيه ضمان ولا شي اني ماخذه منك انت كشخص ماعرف شلاعب بيه ولا اكو ضمان ولا اعرفك شكو اسعاركم فرق 10 لو 20 عن الجديد والمشكلة اغلبهم نصابين وبس يريدون يشربون دمك خافوا الله يمعودين