...
مساء الخير يا جماعة،
بما إن الإنسان بيلف ويتعرف على أصناف كتير من البشر، غالبًا بيرجع في النهاية للناس الأقرب لين فكريا. وزي ما أرسطو قال إن الإنسان حيوان اجتماعي.
فأنا بدور على صداقات وتعارف لطيف مع ناس قريبة فكريا، بدون أي توجه عاطفي أو جنسي.
ببساطة أنا أجنوستيك، من خلفية دينية شديدة نسبيا، وعندي خلفية علمية بحكم الكلية. بحب القراءة والكتابة أكتر للأمانة، بعشق الموتورسبورت، وبحب فيروز.
مهتم بالنقاشات الفلسفية والعلمية، وبحب الناس اللي عندها فضول فكري، حس نقدي، وقدرة على الحوار بدون حساسية أو شخصنة.
شخص هادي وبسيط، وبحب الناس اللي تقدر تفهم إن الضحك والكلام العميق ممكن يمشوا جنب بعض عادي. بحب كمان الناس اللي عندها اطلاع على مجالات مختلفة حتى لو بشكل بسيط، وعندها رغبة تتعلم وتفهم أكتر.
ويا ريت لو حد بيحب الشطرنج، ولو مبتعرفوش فنتعلم مع بعض عادي.
لو حاسس/ة إن بيننا مساحة مشتركة، أحب أتعرف عليكم.