المس و اللبس في الأديان
مسألتش نفسك ليه الجن اللي بيلبس شخص مسلم
بيتعالج بالقرآن او بتلاقي الشخص الممسوس بينتفض لما تقرأ جنبه قرآن
او ان حتى ممكن الشخص الممسوس يتكلم بلسان الشيطان او الجن وفق ديانته
طب ليه الجن اللي بيلبس شخص مسيحي
بيتعالج بالإنجيل و الاتنين بتحصلهم نفس الأعراض
طب مسألتش نفسك اشمعنا الأطفال الجن مبيلبسهاش
للرد على اول سؤالين لازم تبقا عارف ان عقلك بيتأثر و بيخزن المعلومات اللي حواليه
يعني لو شخص مسلم أتربى وسط بيئة مسلمة هيتخزن في دماغه ان فيه
جن و الجن دول بيأثر عليها القرآن و ان الجن دول بيكروهوا رسول الإسلام و اله الإسلام
فلما يتعرض لمرض نفسي شديد المدخلات اللي اتعبى بيها دماغه بتبدأ تخرج تلاقيه ينتفض من القرآن لان في عقله ده الكلام اللي بيأثر عالجن
و عشان كده مش هتلاقي واحد اجنبي متشخص بمرض نفسي القرآن بيأثر عليه لان في عقله القرآن ده لا يمثل شيء أصلا
قيس نفس الكلام على المسيحيين
ليه الأطفال مبتتمسش عشان بكل بساطة عقلهم فاضي المعلومات زي ان القرآن بيأثر عالجن لسه مدخلتش مخهم و لا مخهم استوعبها
وعشان كده عادي الأطفال تلاقيهم عندهم أمراض نفسيه بس مش هتلاقي جن لابس طفل غير عاقل