بنات عادي احكي الي براسي؟
مبدئيا الموضوع مجرد وجهة نظر شخصية و لكل وحدة الحق بانها تختلف معي تمام؟
بنات بحس مرات انه الشغل بقلل من انوثة البنت
يعني من الي بفكر فيه انه البنت انخلقت للدلع و الدلال و انه ما انخلقت للشغل و التعب و انها تبذل جهد كبير برا
على عكس الزلمة الي هي هيك فطرته اصلا انه يشتغل و يتعب لانه الموضوع اصلا بزود عنده هرمون الرجولة
يعني جد مرات بفكر انه طيب ليش ما هي تكون بالبيت مبسوطة و مرتاحة و كل اشي بيجيها و بدون ما تغلب حالها؟
تكون موجودة لولادها و زوجها بالبيت تشبعهم حب و حنان و دلال و تقضي اكبر قدر من الوقت معهم
انه طيب ليش تتعب و تهلك حالها برا؟
يعني مرات بفكر طيب ما هي رح تروح من الشغل تعبانة و مكسرة و ما فيها حيل للبيت ولا لاولادها و زوجها
انا عارفة انها ممكن تزهق بما انه هي طول الوقت قاعدة خاصة بالوقت الي ولادها بالمدرسة مثلا او زوجها بالشغل
و انا ضد انها تكرس عمرها كله الهم لانه بالنهاية الكل رح يكبر و رح تكتشف انها نست حالها طول الوقت الي فات ف رح تعيش بفراغ و ندم
ف كنت بفكر انه تفتحلها مشروع صغير و لطيف و تشغل
اوقات فراغها فيه
ما بحكي عن الصبايا الي مضطرين يشتغلوا و بالعكس هدول الله يوفقهم و يرزقهم و جد اني فخورة فيهم جدا لانهم قد حالهم و ما مدوا اديهم للناس و ما استنوا حدا يشفق عليهم
و قبل ما تحكموا علي انا من بيئة كل البنات الي فيها بشتغلوا و عندهم وظائف و حتى انا حابة اشتغل و عندي طموح و احلام بدي احققهم بس حد الموضوع كثير بخطر على بالي
و والله ما قصدي اي اشي سيء