u/Advanced-Chef2603

السلام عليكم ورحمة الله وبركاته،

أنا بفكر أعمل تطبيق أو خدمة أونلاين بشكل فردي (عندي خبرة برمجية)، وهيكون فيه نظام ربح عن طريق اشتراكات شهرية أو سنوية على حسب فكرة التطبيق، والجمهور الأساسي هيكون في مصر.

بس قبل ما أبدأ بشكل جدي، كنت عايز أفهم الجانب القانوني والضريبي من ناس عندها تجربة فعلية في الموضوع، خصوصًا لو الشخص شغال لوحده مش شركة كبيرة (أنا فوق 21 سنة).

حابب أعرف مثلاً:

• البداية بتكون إزاي؟ أعمل التطبيق الأول وأتأكد إنه شغال قبل إطلاقه للسوق وبعدها أبدأ في الترخيص، ولا الأفضل أبدأ قانوني من البداية؟
• إيه الأوراق أو التراخيص اللي احتجتوها؟
• بتتعاملوا إزاي مع الضرائب بشكل قانوني؟
• هل لازم سجل تجاري وبطاقة ضريبية من أول يوم؟
• إزاي بتستقبلوا المدفوعات؟ (فيزا / فودافون كاش Stripe / / Paymob / غيره)
• أنا بفكر أستخدم Fawry API، فلو حد ليه تجربة معاهم يا ريت يقول كانت عاملة إزاي.
• وهل البنوك أو الضرائب سألت عن مصدر الدخل بعد فترة؟
• وإيه الأخطاء اللي اكتشفتوها بعد ما بدأتوا؟
• ولو التطبيق نجح ووصل مثلاً لآلاف المشتركين وإيرادات كبيرة، إيه الإجراءات القانونية أو الضريبية اللي المفروض الشخص يكون مجهز نفسه ليها من البداية؟

أنا مش بدور على نصيحة قانونية رسمية، بس عايز أسمع تجارب حقيقية من ناس عملت تطبيقات أو SaaS أو خدمات باشتراكات في مصر.

شكراً مقدمًا.