قضية يمنى و يسرا
مبدئياً و قبل أي حاجه يمنى صاحبتي و ليا تواصل مع والدتها و مؤخراً و بعد الحدث ده قدرت اتواصل مع والدها كمان
مش جايه اقول تفاصيل القضية و مين غلطان بس اللي اكتشفته ان أي اتنين مش ولاد ناس بيتجوزوا و يتطلقو بتطلع كل حاجه بعد الطلاق و للأسف هما الاتنين مش خسرانين حاجه و البنات هما اللي اتبهدلو في حاجه ملهمش علاقة بيها
امهم تروح تزور و تخليهم هما يحضرو الجلسات لوحدهم و يروحو النيابة لوحدهم و تخلي يمنى القااصر تمضي عالورق المزور ده كله مش افعال ام اصلا ده غير انها متناقضه ، منين بتقول انا خلعته و مستغنيه عن حقي و منين رفعت قضية نفقة هو ايه العبث ده
ده غير ابوهم اللي راح شمت فيهم فالقسم و ذلهم بعيداً عن كل الكلام اللي بيتقال انه بيحاول يخرجهم هو بس بيعمل كده عشان الموضوع بقى رأي عام
يمنى كانت بتحكي حاجات بتوجعني عليها عن اهمال مامتها و عن هجر ابوها
الاتنين بهدلوهم و شربوهم المر و طلعوا منها
و امهم اللي عليها حكم و هربانه لو راحت قالت ان هي اللي زورت و انهم ملهمش دعوه هما هيطلعو بس قمة فالانانيه و للأسف ابوهم مينفعش يتصالح عشان دي قضية تزوير مفيهاش صلح
اتمنى تدعولهم يرجعوا بالسلامه لأني مقهورة و حزينه عليهم