السلام عليكم، أتمنى ماحد ينتقد او يسب والي يبغى يسوي كذا لا تعلق او ترد
أنا شخص ملتزم وأحب الدين ومؤمن إيمان يقين في الدين بس عندي مشكلة غريبة وهي الزنا. كل ما اسمع عن واحد قريبي او صاحبي انو زنا او كان يعرف بنت مدري ليه بس يجيني شعور غيرة وألم. غيرة لأنو يعرف بنات وعمل شي أنا نفسي أجرّبه وألم بسبب اني مدري إذا رح أخوض هاذي التجربة في حياتي. أنا ١٩ سنة وما ابغى أتزوج ذحين اطلاقاً. شعور مرا حلو يكون في بنت فحياتك وتقدر تسوي معها كل شي بدون قيود او مسؤولية وتحس نفسك جذاب للجنس الآخر ومرغب فيه. معظم أصحابي الي اعرفهم قد مشو مع بنات والي نام معاها والي حضنها والي سوا كذا وكذا وهم مش ناس مراا جمال تراهم جدا عادين ويمكن مو حلوين لبعض الناس بس مع ذلك في بنت مشت معو. أنا دايما أفكر انو قليلين من البنات كذا ومعظمهم مستحيل يرضون يتعرفو على ولد بس من الناحية الأخرة هاذي الأشياء جدااااا منتشرة وكل بنت قد لها قصة مع ولد بطريقة او اخرة. مع العلم انو أنا شخصيتي مستحيل تسمحلي اني العب بمشاعر بنت او امي أعاكسها بالشارع او مدري ايش يسوون عشان يقفطوهم. يعني حتى أنا ودي أتعرف على وحدة ويكون بيني وبينها علاقة بس مدري احس نفسي مو قدها بسبب شخصيتي او تفكيري لأنو بالأخير حرام. It makes me feel left out a lot
وش تنصحوني اسوي؟ خلاص فكني من هاذي الهرجة راحت عليا؟ ولا هاذا شعور طبيعي وعادي لو كذا حسيت