بنات بدي مساعدتكم
عملت الاكاونت هاد هلا مشان ما حدا يعرفني من اكاونتي الأصلي
صرلي فتره بدرس ب ستدي هاوس و كتير مرتاحة فيه و اغلب المرات يلي بكون فيها فيه شب برضه بيكون بيدرس، بنات مش طبيعي أديه أعجبت فيه شكل و شخصيه و مؤدب و بصلي يعني زي ما بدي و زياده مع اني اكتر بنت التقيت بشباب ك شغل و دراسة و هيك بس ولا حدا أعجبت فيه و فكرت فيه بطريقة جديه قد هالشب هاد ، المهم انا ملكة ال stalking جبت عنه معلومات من اسمه و تخصصه و لقيت اكاونتاته و اكاونتس أصحابه و عرفت شوي عن عيلته و كل المعلومات هاي حببتني فيه بزياده ( لأنهم زي ما بدي ) هلا الفكره انه بدي انكشه كيف ما بعرف بدي طرقكم و نصائحكم **** note ) أنا ما بشجع على اي علاقة محرمة ) وانا بدي أتعرف عليه و بعدها دايركت اكون جدية كتير من منطلق ديني و لانه بحياتي ما حكيت مع شب غير ل شغل او دراسة و ما عندي هالقصص بس هاد جد يا بنات ما بدي أضيعه من إيدي كيف ممكن الفت انتباهه بطريقه ذكية ++ الشب لمّاح كتير و ذكي و هادي و رايق + أنا مو قادره احدد مشاعره اتجاهي لانه بعمل أشياء مرات بكون متأكده انه معجب و مرات بحس لا عادي طبيعي
* طبعاً هوه ما بعرف ولا اشي ولا حتى بيعرف اسمي بس بيشوفني باغلب الأيام
و ياريت إزا فيه بنت بهيك تجربة قبل تحكيلي شو عملت و كيف كانت ردة فعل الطرف التاني لانه خايفه ازا ب judge me او اشي