Servus,
i hob grod wieder a Viedo gsäing, wo a Maibaam „Diebstahl“ dokumentiert worn is, da Baam ist aa erfolgreich entwendet worn.
Bravo Burschn, hobts guad gmacht. Aber dann is im Video a Stelle vorkemma, der dem ganzen doch bisse an Dämpfer neighaud hod: „Nach dem Einsperren der Wache…“ – und des war da Aufhänger für mein Post.
Seit wann sperrt ma d‘Wach ei? Ist des dann no Diebstahl oder a Maibaumraub?
Wenn i de Gschichtn vo vergangene Diebstähle vo meim Burschenverein hea, war des immer so, dass ma heimlich und mit Geschick vorganga is. Ma hod spioniert, gekundschaftet, wia bring ma den Baam am besten Weg, wann hod wer Wache. Und wenns so weit war, hod ma zwoa trinkfeste Burschen ois Ablenkung in d’Wachhüddn gschickt, und dahi is ganga.
I selber war scho bei drei Aktionen dabei, eiso hob i aa a bissl Erfahrung.
Braucht ma denn no vui Geschick, wenn ma de Wach oafach eisparrt und dann den Baam in aller Ruhe wegduad, hod des no wos mim Brauchtum zum doa? Freile, wenn des woanders scho immer so war, dann is a so. Solang jeder an Spass dabei hod und nix bassiert is ja in Ordnung.
Aber dazua muas ma aa song, dass sie de ganze Wachkultur insgesamt verändert hod. Jede Maibaamwach muas ein Mordsevent mit Party sei, jedes Wochenende tausende Leid, und da Baam? Der flaggt eizwickt zwischen Container und Betonstoana in irgend a Halle rum, de dann aa no obgparrt is.
Is des dann a da Sinn von na Wach, wenn des zu bewachende Objekt sowieso unstehlbar is? I find do gähd doch a bisse der Sinn vo dem ganzen verloren. Wos sogts dazua?