انا وصاحب الطفولة بوسنا بعض لأول مرة
زي ما مكتوب كدا هي دي القصة، انا وصاحبي بوسنا بعض لأول مرة من حوالي شهر مثلا والموضوع اتكرر اكتر من مرة وبقينا كل ما ننفرد ببعض ده يتكرر، مش هنا المشكلة لأن الوضع انا قادر اظبطه، ولكن المشكلة انا معرفش شكل علاقتنا ايه!
يعني هو بيقولي انه بيحبني وانا كذلك وأحيانًا باخد موبايله اقلب فيه لانه كان بتاع بتاع من فترة طويلة وهو بيسمحلي اقلب في موبايله و لكن ف نفس الوقت انا بحس انه أحيانًا لما بنبقا مع الشلة او كدا معاملته مش بتبقا بنفس حلاوة معاملته واحنا لوحدنا
أنا فسرت ده بإنه يمكن خايف على شكلنا قدام الشلة مثلا أو ان حد يشك ف حاجة، بس أخاف يكون بيحبني واحنا لوحدنا بس!
المشكلة اني أحيانا بشك انه يعرف عن علاقات الكوير وبتمشي ازاي، كل الموضوع انا عايز اعرف هو بيحبني زي ما بحبه ولا لأ ...
انا أحيانا بتضايق ان ده حصل لاني عايش في حيرة إن علاقتنا شكلها رمادي مش عارف لها اتجاه