u/Ayman_asura

تعب تعب تعب اريد اشتغل شغلة بس متعاجز + كاعد اقدم على دورات تدريب حتى امتهن صيانة وتنصيب الحاسوب بس حتى هاي يحتاجلها وقت . كاعد احس بمسؤولية انو شعندي كاعد المفروض اسوي شي مفيد

الي ما شايفه ☺️🤗

الي شايفه 💀

مستغرب لحد هسة ساكتين وما عدهم اعتراض او ما سوو فد مشكلة على هل تقليل من دينهم . دائما تتشوه سمعتهم وما يردون او يسوون اعتراض . اعتقد لو صار نفس الشي على اليهود راح يتحاكمون المخرجين ويسوونهم معادين للسامية ومن هل كلام (الي لازم المسلسل حسب ما سمعت يهود)

حلو كلش للامانة وبيه هواي جوانب واقعية لاحظتها خلال مشاهدتي اله . قاسي و واقعي . بس من تشوفه راح تجيك صدمة حضارية عن شلون يعاملون المغتصبة وشلون يراعونها ومن هل امور بحيث تكدر المرآة تحجي وتكول صارلي هل شي وما تخجل منه بل تعامل كضحية والناس يتعاملون وياها على هل اساس . اما احنا عكسهم المغتصبة ما تعامل كضحية بل يعاملونها حالها حال الشريك بالجريمة وتصير عار على عائلتها وتعامل كرخيصة . بحيث والله ما ابالغ سمعت قصة عن وحدة اغتصبها شخص وعائلتها حتى يغسلون عارهم كالو للشخص الي اغتصبها نقتلكم سوا لو تتزوجها وتطم عارها . والمصيبة فعلا صار هل شي والسبب هو السمعة وفوكاها نبذو بنتهم بعد ما زوجوها مغتصبها لان طبعا هي عار وميصير توصللهم . حرفيا شي صادم ومخزي كلش بمجتمعنا ومحزن . بهذا المسلسل شفت شلون تحس المغتصبة وشنو شعورها رغم اني متخيله من قبل ومتصوره بس هنا الوضع ادق . تسألت انو شنو شعور هل بنت بعد ما زوجوها بمغتصبها وشلون حياتها حتصير وشنو شعورها بعد ما نبذوها عائلتها وانحرمت منها . اتمنى تجينا صدمة حضارية وتغير ملامح بلدنا ومجتمعنا القاسي

الصورة اثارة جدل . هل يومين اكثر يومين اكشن ومتعة باللعبة . بحيث البارحة قتلت واحد بعد ما عذبته 15 دقيقة ما تتخيلون شكد فرحت من اخيرا كتلته واخذت اغراضه . الولد اجنبي خليته يكفر بالانقليزي وتضحك ردة فعله من يدعي علية بالموت وعلى اهلي . اما اليوم شفت ملاك من السماء . جنت واكع نوك واجا واحد وفورا فكرت كلت لو سوالي اعدام حرفيا احذف اللعبة وجان وقتها مزاجي فد نوب مو زين . وانصدم الولد عافني 😧 وانتظرني اعيش حرفيا هل شخص لو نبي لو ملاك على هاي سوايته . وضليت وراها خمس دقايق اكتب له شكرا وانت كذا وانت كذا وامدح بيه فديته بس (حرفيا جان نقيض للي قتلته البارحة)

جنت العب وفجاة كلت ليش ما اشحت ؟ المشكلة اني غني باللعبة مو فقير ابد . بس صديقي كالي احد انطاه ٥ ملايين لما سوا وياه تبادل فكلت خلي نجرب شنو خسرانين (يعني ترفيه وكذا) وشكو لاعب حسيته غني سويت وياه تبادل . و ولا احد انطا فلوس واكتبلهم بالشات $ يعني اعطني بعض المال . بالمختصر الكرامة طارت وبلاخير شفت اثنين وسويت نفس الشغلة وياهم (اجانب واغلب الموجودين باللعبة اجانب) فكتبولي عربي ؟ ترا ما ننطي للعرب فلوس اني فكرت كلت لا يربك كلشي ولا سمعة العرب (العراق اهم شي جنت افكر اذا انحشرت اضحي بسمعة بلد عربي غير العراق) كلتلهم لا فكامو يضحكون (كشفوني او شكو بية) اسمي جان عربي (ايمن اخر مرة احط اسمي بلعبة) حرفيا حسيت كرامتي طارت و واحد انطاني ١٠ الف اني اضطريت اقبلها لان اني كاعد امثل انو اني فقير المشكلة عندي ملايين مو فقير اني . وربع ساعة اني ضميري ماكلني رجعتلهم وانطيت واحد منهم ١٠٠ الف ونسيت اذكر جانو يكولولي ها سوري ترا حتى السوريين ما ننطيهم فلوس وضل واحد منهم يكولي سوري سوري ها تخجل من بلدك يا سوري فكتبت له اني تركي كالي حتى السوري يكول عن نفسه تركي 😃 المهم مشيتها وكلتلهم اني تركي يا فقراء ورحت (يعني والله ما ادري شكول خسرت كرامتي و٩٠ الف) حرفيا اخر مرة اجرب هل تجربة الخايسة

للامانة رجعت اشوف الفلم من الوسط لان نمت بوسط الفلم وكعدت على النهايات

تذكرني بالواقع من اسمعها بحيث احس انو ما لازم اسعي حتى اكون الافضل او الاحسن دائما لان دائما راح تحصل خيبة امل بيوم من الايام . بس شسوي كل مرة انسى نفسي واحس بالخيبة . مفتاح السعادة والراحة بالحياة هو الرضا بالموجود وانو ما نحاول نعلي سقف توقعاتنا حتى ما تصيبنا خيبة امل لو حصل عكس ما كنا متوقعيه

مثل ما كاتب بالعنوان . فعلا غريب الموضوع . اشخاص (او شخص لان الي بالصورة الحسابين لشخص واحد) تتغير قيمتهم عندك او نظرتك عنهم بمرور الوقت . ناس جنت تعتبرهم كلشي عندك بهاي الدنيا وتشوف الدنيا من دونهم ما تسوى وبس تشوف اشعار الرسالة منهم تهتز مشاعرك وتفرح . غريبة شلون رغم كل هذا بيوم من الايام يصيرون حالهم حال الغرباء وما تحمل اي شي اتجاههم لا حنين لا حزن لا اشتياق بل مجرد ذكرى عابرة . وتجربة مرت ومضت بحال سبيلها . محزن هل شي بالحقيقة لان يقودك هل شي لموضوع وهو هل اني بنفسي راح امر بهذا الشي انو الناس تنساني بكل هاي السهولة بمرور الوقت واصير بعد كل المقامات الي جنت بيها بعينهم مجرد شخص حاله حال الغريب . فالموضوع شوي معقد ومحزن لو الواحد يفكر بيه وقتها راح نوصل لادراك فكرة وهي الناس مو مهمة بالقدر الي نتصوره (مو الكل بكل تأكيد) والمهم هو انفسنا لان احنا مراح ننسى نفسنا وكل الي نسويه لاجل نفسنا راح يعود علينا بالنفع والفائدة افضل من انو نصب كل تركيزنا على الاشخاص الي ممكن خلال الوقت ينسوك . ما اكول نتجاهل الاشخاص انما مجرد ننطيهم القدر الي همة يستحقونه وما نبالغ . وبس

غالباً راح ابقى فضولي بخصوصه لمدة معينة الى ان اعرف كم معلومة واقرر اذا راح استمر احس بنفس ما حسيت بالبداية او لا (اذا شخص مثير للاهتمام راح يكون اهتمامي وفضولي عنه عالي) اما اذا لا فراح اشوفه شخص عادي (راح اعامله كشخص عادي)