سكوتش فولد
ماقد ربيت قطو في حياتي لكن هالمرة اضطريت وعندي قط سكوتش فولد تبنيته وعمره حاليًا تقريبًا سنة وله قرابة اسبوع عايش معي
المشكلة غرفتي برا بيتنا ومقابلها حوش واحسه ماهو طايق العيشة معي لصغر حجم الغرفة وما اقدر ادخله البيت لانه العائلة الكريمة يخافون منه
صدقًا والله اني احبه لكن اخشى عليه من الطفش وانعدام الفعاليات فالغرفة
احيانًا افك له الباب اخليه يقعد فالحوش بس مايسوي شي بس يقعد جالس وهذا اغلب أسلوب حياته اصلًا
والقطو ماهو قاعد يظهر اي علامة من علامات انعدام الثقة بالعكس واثق فيني ومن تعابيره واضح متقبلني بس الطفش ذابحه وحاولت العب معه لعبة الريش او الليزر ويطفش منها بسرعة
واذا حاولت اربت على رجله واضح انه يتألم واعتقد هذا سبب جلوسه اكثر الوقت كون ان السكوتش فولد يعانون من ألم مزمن في العظام والمفاصل وقريبًا بوديه بيطري
فأي نصيحة جزاكم الله خير؟