Interlingue have che li internet-págine Tatoeba (tatoeba.org) nu plu quam 13.000 frases e es ye li rang 64 ínter 430 lingues. Mersí a omnes qui traducte frases a Interlingue.
Yer evenit in li cité capital de Austria, Vienna, li 70-im Eurovision Song Contest. It esset un grand surprise que Bulgaria ganiat li max grand competition del munde. Li 27 annus havant cantatora Dara de Bulgaria ganiat con su canzon "Bangaranga" li concurse. E li juries e li publica favoriat li canzon Dara. In finale competit 25 landes. Israel finit ye li 2-im rang e Rumania ye li rang 3. Quin landes - Hispania, Slovenia, Island, Nederland e Irland boycottas li competition por protesta contra li participation de Israel. ma in tot 35 landes partiprendet. Bulgaria ne partiprendet in li recent quar annus pro financial causes e nu li litt Balkan-state ganiat por li unesim vez in li historie li Eurovision Song Contest. Felicitationes! Yo ha scrit un articul pri li cantora Dara, qui ganiat li Eurovision Song Contest 2026 por Bulgaria in nor Wikipedie.
Yo ha publicat li colection de mi original racontas in Interlingue sub li titul "Li Spíritu de Edgar De Wahl e altri racontas" quam libre. It contene 19 original racontas. Vu posse leer e descargar it ci gratuitmen:
https://archive.org/details/li-spiritu-de-edgar-de-wahl-e-altri-racontas
