u/Boring_Bag_8468

انا بنت عندي 17 سنه وداخله تالته ثانوي ومن وانا ف اولى ثانوي بروح درس علوم متكامله ف سنتر جمب بيتي وكنت باخد درس واحد بس ف السنتر ده يعني باقي دروسي ف سناتر تانيه ف لما كنت في سنه اولى كنت داخله السنتر عادي بدفع بال id لقيت الاسيستانت بتاع المستر واقف جمبي وبيحاول يفتح كلام يعني كان عمال يقولي هو انتي اول مره وكده وانا كنت تالت مره اصلا وكنت بشوفه وهو كان بيشوفني وكنت بلاحظ انه كان بيبصلي بس مكنتش باخد نظراته على انها اعجاب لان عادي يعني ممكن الاسيستانت يقعدوا يبصوا علينا ف الحصه يشوفونا بنتكلم ولا لا

المهم الولد ده هو مش كبير اوي اكبر مني ب اربع سنين ف لاحظت اني كل مره بروح فيها الدرس دا بيقعد يبصلي كتير اوي ونظرات ملحوظه وكذا حد من صحابي خد باله محطتش ف دماغي عادي وكنت بروح الحصه واعمل نفسي مش شايفاه اصلا ومكنتش ببادله نظرات

سنه اولى خلصت وعرفت انه كلم بنت زميلته هى اسيستانت بردو وقالها انه عايز رقمي او اكونتي انستا قالتله ان انا مش حاطه في الid رقمي وحاطه رقم ولي امري بس( عرفت الكلام ده من صحبتي لانها اختها شغاله ف نفس السنتر)وقالتله انها هتحاول تجيب اكونتي مني وكده

جت بعدها سنه تانيه كنت بروح نفس الدرس وكان بيبصلي نفس النظرات وبصراحه ف سنه تانيه كنت ببادله النظرات

المهم لقيت الاسيستانت الي هو قالها انه عايز رقمي او اكونتي انستا بتقولي ان انا عسوله وبتاع وتعالي نبقى عند بعض انستا وكده ف اديتلها الاكونت وبعد ما ادتلها الاكونت لقيته بعتلي فولو

انا مقبلتش بصراحه لاني مش عايزه يكون فيه حاجه بيني وبينه ومش حابه ارتبط بيه اصلا بصراحه هو عسول بس انا رافضه الفكره نفسها مش رافضاه هو

ف لما مقبلتش شاله وبعته تاني وعمل ده اكتر من مره بس مكنتش بقبل حاليا لقيته بيبعتلي تاني وبصراحه انا منجذباله اصلا بس انا فنفس الوقت مش عايزه اصاحب😭😭 ف قولولي اعمل ايه هل اقبل الفولو ولا لا