u/Cuteee-girl

كلنا منعرف أنو الانجذاب بيبدأ بإعجاب بالشكل ، لو ما في قبول بالشكل ما رح يصير في انجذاب ، ليش الناس (البعض) بيحكي أنو مثلاً أنا انجذبت وانعجبت بفلانة لأنو قلبها طيب أو انعجبت وانجذبت لفلان لأنه حنون وفهمان ، هو صح يلي بيهتم بالمظهر والشكل بس بيكون إنسان سطحي وفي شغلات أهم من المظهر ، بس ليش الناس ( البعض) لو انعجب بشكل الشخص بيخجل يحكي أنو هالشخص عجبني شكلو وانجذبت لشكله وبصير يقول أنا حبيته لأنه ذكي مثلاً..

وشفت تجارب لكتير ناس (يلي بيدخلوا علاقات أونلاين) بعد ما الطرفين بيتعلقوا ببعض ويحبوا الصفات يلي ببعض، ووقت يشوفوا بعض عالواقع ممكن ما بيعجبهم أشكال بعض بالواقع ، بصير في برود بالعلاقة وغالباً في طرف بينسحب...

بيجوز كون غلطانة ولكن هاد يلي شفته ولاحظته كتير

بباصات الجامعات ، لما يكون معبى عالآخر بيجي مشرف الباص بيقوّم كم شب قال مشان الصبايا يقعدو،وهني يوقفو، وهو أصلا نحنا منتسابق على مين يطلع أول مشان يلاقي مكان يقعد، اشمعنى يعني يقوم الشب ليقعّد الصبية، ماهني التنين تعبانين ، أقسم بالله في شب منظرو قطعلي قلبي مبين عليه كتير تعبان اجا المشرف قومو مشان تقعد وحدة اجت متأخرة، لك اههخخ مع أني بنت بس كتير مستفز الموضوع يعني خلص يلي اجا بالأول يقعد ويلي تأخر يوقف😠 .

أرجووك، أرجوووكِ، لا تحط مزيل عرق وبارفان وأنت أصلاً متعرق ، لأن الريحة بتصير أسوء من ريحة العرق بمراحل.....وريحة الفم أرجوووك في أنواع من العلك يلي بتخلي ريحة الفم حلوة استخدمهن الصبح لو عندك دوام، وشكراً.