u/Dexter_M0rgan1

عرفتو ان المشكله بتكون في الشخص نفسه مش في الحيوان اصل يعني القطط اقصى حاجة ممكن تعملها ايه تخربشك يعني؟؟ ولا هي كمان هتفترس الاطفال؟

مشهد كلب مرعوب بيتسمم او بيتضرب لحد الموت عمره ما كان حل وحاجة مقرفة ان ناس بقت تشوفه شيء عادي وان ده الصح

ايوه كلاب الشوارع احيانا بتسبب مشاكل وفيه ناس فعلا بتخاف منها وفيه حالات عقر بتحصل ومحدش بينكر ده بس فكرة ان الحل هو القتل الجماعي دي لا انسانية وكمان مش فعالة اصلا

الناس فاكرة ان لو الكلاب اختفت خلاص المشكلة انتهت مع ان اللي بيحصل غالبا ان المكان بيفضى فتظهر كلاب تانية بعد فترة وفي نفس الوقت الفيران بتزيد والزبالة تنتشر اكتر لان الكلاب اصلا كانت جزء من البيئة الموجودة في الشارع

الموضوع محتاج تعامل بوعي مش بعنف فيه فرق بين انك تكون خايف او متضايق وبين انك تبرر التعذيب والقتل الحلول الحقيقية موجودة من زمان زي التعقيم (إخصاء) والتطعيم وتنظيم اعداد الحيوانات انما التسميم والضرب عمرهم ما كانوا دليل تحضر

الرحمة مش ضعف والطريقة اللي بنتعامل بيها مع الكائنات الاضعف مننا بتقول كتير عننا كبشر الكلاب دي متخلقتش عشان تعيش في الشارع اصلا دي نتيجة اهمال من البشر وفي الاخر هي كائنات بتحس بالخوف والجوع والالم زينا