u/DifferentTheory203

الله يرزقكم سعادتي الان, موضوع كنت شايل همه فجأة تيسر و جاني اكثر من الي كنت ابيه و شي ماكنت اتوقعه ابدا لدرجة ماني عارف وش اسوي عشان اشكر ربي على هذي النعمة

انا بطبيعتي دايم احط اسواء سناريو ينقالي عشان ما انصدم بالواقع بعدين, لدرجة كثير اسرح و انا احط السناريوهات و ايش بسوي اذا صار كذا و اذا ماصار كذا

بس ابي اقولكم خلو املكم بالله كبير توكلو على الله و اشتغلوا على الي بيدكم و اتركوا بناء السناريوهات الي مالها داعي. التخطيط للمستقبل حلو بس زيادته تقلب شي مجهد للعقل و مدمر للنفسية

هل راتب اول وظيفة يتاثر بمكان تدريبي ؟

الان انا بتدرب لمدة شهرين و بعدها لازم ارجع ادرس بالجامعة سنه

في التدريب عندي خيارين

تدريب مع شركة ناشئة و بعدها بكمل معهم موظف و انا ادرس اخر سنة بالجامعة، الشركة كويسه و مو لسع توها جديده. عندهم 50 موظف و بيمسكوني اشياء كثير

او تدريب مع جهة كبيرة لها اسمها، عديت 5 مراحل عشان انقبل عندهم، بس بقعد معهم شهرين بس و بعدها لازم امشي

وش بيفيدني اكثر، من ناحية راتب اول وظيفة.

اما افكر اشتغل بارت تايم في اخر سنة لي بالجامعة، بس هل هذه راح يضيع علي برامج الخريجين ؟ هل عندهم شرط ان مايكون عندي اي خبرة مسجلة بالتأمينات ؟

عشان تكونون في الصورة التدريب حقي بالصيف لمدة شهرين بعدها لازم ارجع الجامعة ادرس سنه بعدها اتخرج، الستارت اب ذي تبعد عن سكني 10 دقايق و مو ستارت اب توها باديه، الشركة ناجحه و عندهم مستثمرين منهم هنقرستيشن و فيها 50 موظف و بعد التدريب غالبا بيعطوني وظيفة عمل جزئي الين اتخرج و اصير معهم موظف كامل

بينما تمارا اسمهم راح يكون اضافة ثقيلة جدا للسي في حقي، بس ماتوقع بيعطوني عرض وظيفي بعد التدريب لاني لازم ارجع الجامعة. و شركة كبيرة زيهم ماتوقع ان عندهم المرونة انه يوظفني عمل جزئي و عن بعد

و برضو لازم انقل للرياض وقت التدريب

فا قاعد اوزن الامور الان، تمارا اسمهم مغري جدا جدا. بس الستارت اب ذي افضل من كل النواحي و اريح لي

فا مره محتار وش شوركم علي، الشركتين عطوني قبول