u/DiscussionMundane423

دلوقتي يا جماعه انا في مشكله السنه اللي فاتت قبل رمضان ظهرت قطه علي السلم و عشان أنا مربيه قطط ولاد فضلوا يجروا وراها ده غير القطط اللي طلعت من الشارع و بهدلوا السلم خناقات و كل ما اهشها ولا أخرجها من بوابه العماره ترجع تطلع تاني و قرايبنا في العماره اشتكوا و بهدلوا الدنيا بسببها عشان مفكرين أنا اللي جيباها لأني الوحيده اللي بربي قطط لغايه ما جاتلي فكره استغليت إن العماره اللي جنبنا سكانها مسافرين بقالهم سنين و محدش قاعد فيها رميتها علي السطح و الحمد لله هديت و قعدت هناك و أنا يوميا برمي لها أكل طبعا حملت و خلفت اتنين و فضلت متابعاها بالاكل بردو ، بعد عيالها ما بقوا حوالي ٦ شهور بدأت تنادي علي الدكره تاني عشان تتجوز و القطط راحوا هناك و كان موال و للأسف هي و بنتها الصغيره حملوا و خلفوا كل واحده اتنين ، كده بقوا ٧ قطط علي السطح ، ٣ كبار و ٤ صغيرين و للأسف الشديد كلهم معتمدين عليا في الأكل قلت مش مشكله ثواب رغم إن مش بشتغل و الحاله الاقتصاديه عندنا زي الزفت و بنزق اليوم فجأه دلوقتي في وسط ما عيالها اللي لسه مكملوش شهرين ونص مش بس بدأت تنادي علي الدكره دي رجعت هنا تاني قصاد شقتنا و مبهدله الدنيا و القطط بتاعتي علي قطط غريبه مالين السلم و خناقات كل شويه و أخويا بيكره القطط جدا و موافق علي اللي عندي بالعافيه عمال يزعق بسبب كده خناقات طول الوقت و أنا كل ما اوديها هناك ترجع هنا تاني و مبهدله الدنيا علي الاخر ، الكارثه كلها إنها لو حملت تاني و ده اكيد حصل هاترجع تخلف و تزود العدد و ممكن شويه و بنتها هي كمان تتجوز و تخلف تاني و الجيل الجديد يكبر و يخلف ، أنا بقا اجيب لكل دول أكل منين يا جماعه و اتصرف ازاي ؟ القطه مجنونه بجد أول مره اشوف قطه كده في حياتي ، مبهدله الدنيا و حطت قطط في رقبتي و لسه العدد بيزيد لأنها بتعتمد عليا في اكلهم و مش بتعودهم ينزلوا الشارع و يدوروا علي أكل ، أنا دماغي تعبت من التفكير و من القرف اللي أنا فيه هو المفروض انصرف ازاي في البلوه دي ؟ لو حد مكاني يتصرف ازاي في المشكله الزفت دي ؟