الموضوع مهم بس مش لاقيه تايتل
انا مش عارفه دا الصب المناسب ولا لا بس اظن دا اكتر صب هلاقي فيه ناس عاقله ، دلوقتي انا ف امتحانات ثانوية عامة وخلصت اول ٣ مواد ، العربي نقصت فيه زي ١٥ درجه بالمقالي وقولت هعوض ف اللي جاي ، الكيميا جت خرا متتحلش باجماع رأي المدرسين بس اظن حليت فيها اللي ينجحني يعني اكتر من ٣٠ ، الانجلش بقى اللي امتحنته النهارده وحرفيا انا هبداه والمشكله الاكبر اني مش عارفه اراجع عشان من كتر الهبد نسيت انا حليت ايه بس لما جيب احسب اللي متأكده منه واضطريت اني اقفل ل نفسي المقالي جبت ٢٦ من ٦٠ ، دلوقتي انا مش عارفه الأسئلة التانيه اللي انا هبداها بردو ممكن يبقى اغلبها صح وتعوض الدرجات دي وتخليني حتى اجيب ٣٠ ولو طلعت كلها غلط ف انا كده فيه مادتين مش متأكده منهم وحاسه اني لقدر الله هشيلهم هما الكيميا والانجلش ، ودلوقتي انا نفسيتي زي الزفت وفكره اني شايله الانجليزي مش مفارقه دماغي يعني اهلي اصلا عندهم اني اقسم السنه احسن ما اجيب ملحق ف ماده وانا فعلا نفسيا وبدنيا مش قادره ادخل امتحانات تاني بس فاضل مادتين الفيزيا والاحياء ، الأحياء عندي تمام اوي بس الفيزيا هي اللي زفت بجد وكمان انا نسيت المهنج كله ، ف لو حد عنده تجربه سابقه او نصيحه اخلي المادتين دول ل السنه الجايه ولا ادخلهم واللي يحصل يحصل ، مع العلم اني مينفعش خالص اقل عن النص ف الفيزيا
واسفه اني طولت عليكم ولو البوست شايفه مش مهم تقدر تسكيب من غير ما تقول كلام وحش.