Дали има некој што работи или работел во PXC на позиција Network Engineer? Ме интересира каква е работата, како изгледаат 12-часовните смени дали се многу напорни и какви се условите и атмосферата. Секое искуство или совет би ми бил од голема корист, бидејќи веќе аплицирав и чекам одговор.
Дали има некој што работи или работел во PXC како Network Engineer?
Ме интересираат работната атмосфера, обемот на работа, можностите за напредок и генералното искуство во компанијата.
Сакам да го споделам моето искуство со Acora во Македонија за позиција SOC Analyst (entry level). Аплицирав за позицијата и бев повикан на HR интервју. После тоа следуваше тишина од околу две недели, па добив покана за техничко интервју. Интервјуто помина навистина добро, а менаџерот што го водеше беше одличен и остави многу позитивен впечаток.
По интервјуто повторно следуваше долг период без никаков одговор. Пишував за feedback, но не добивав одговор. По некое време добив само кратка информација дека нема да продолжат со мојата апликација, без конкретно објаснување. Еден месец подоцна истиот HR повторно ме контактираше за истата позиција, иако јас воопшто немав повторно аплицирано. Ми кажаа дека се заинтересирани и дека би сакале повторно да разговараме. Прифатив, повторно одвоив време, повторно имав интервју со истиот менаџер кој веќе ме познаваше и беше запознаен со моето знаење и искуство.
За жал, и по вториот процес се случи истото повторно без одговор и без конкретен feedback.
Она што најмногу ме разочара е што оставија впечаток дека самата компанија не е сигурна што точно бара од кандидатите и како го води процесот на регрутација. Искрено, убеден сум дека техничкото интервју го поминав многу добро и дека покажав солидно знаење од networking и security. Имам завршен факултет и околу 2 години работно искуство во оваа област, па сметам дека имав добра основа за позицијата. Самиот менаџер делуваше задоволен од моите одговори и целокупниот разговор, а и јас излегов од интервјуто со позитивен впечаток. Затоа ми беше чудно што повторно немаше конкретен feedback или следен чекор. Добив впечаток дека конечната одлука не ја носи техничкиот менаџер.
Немам ништо негативно да кажам за техничкиот менаџер напротив, остави одличен впечаток и разговорите со него беа професионални и пријатни. Но целиот процес на регрутација остави впечаток дека компанијата не е сигурна што точно бара од кандидатите и каков профил навистина сака за позицијата. Недостатокот на комуникација и конкретен feedback само дополнително го засили тој впечаток.
Дали некој друг имал слично искуство со Acora или со други ИТ компании во Македонија?