الـVibe Coders
السلام عليكم, لاحظت هنا اكو مبرمجين يكرهون الفايب كودنج بكثرة, او مايريدون كود مبرمج بالذكاء الاصطناعي مهما كانت نتيجته\جودته.
فعندي سؤال, شوكت يرتفع الوعي ان اولا, الذكاء الاصطناعي مو للكل تبرمج بي ولا للكل تحكم عليه؟ لان مو معقول حاليا واحد فاتح 3 نوافذ claude,
يعني مو معقول , انو هذا الشي يصير طبيعي ويعتبر نفسه مبرمج او شخص اله علاقة للبرمجة, ايضا, ردة فعل المبرمجين عليه جدا سيئة, اكو شخص فشر عليه وناس عصبيين, واحد كال انت شتسوي هنا بمجتمع مطورين, منطقي بصراحة, لكن مو معقول ما احد نصحه او علمه شنو هو الفايب كودنج فعلا.
وبخصوص تقييم كود الذكاء الاصطناعي, النماذج حاليا قوية كفاية لبناء برنامج جاهز, بغض النظر عن الحماية صفر, والتوسع شبه مستحيل, لكن تقييم كود ذكاء اصطناعي من مبرمج حتى لو عنده خبرة غير منطقي, خصوصا لو كان "عراقي", لان تقييم هذا الشي اله اهله واختصاصه وبحوثاته, مو شخص عشوائي متعصب يقدر يقيمه.
اتمنى يزيد الوعي, وتكونون منفتحين زيادة للذكاء الاصطناعي بتطوير البرمجيات وتستعملون خبراتكم القديمة والكثيرة حتى تشوفونا ابداعاتكم, وبصراحة, اذا تريد تصير مبرمج, لاتدخل اي شات بوت او محرر اكواد بي ذكاء اصطناعي, لان راح تقرا السلام على مسيرتك وخبرتك بشكل كامل مثل اللي صارلي قبل ثلاث سنين.
بالنهاية, ما اتمنى احد يستعمل ذكاء اصطناعي حتى يبني موقع او تطبيق وهو ماعنده اي معلومة, اذا كان عندك حلم برمجي, فتعلم برمجة, لاتتعلم فايب كودنج, غير هذا, انت مو بمجال التطوير ولو بشيء واحد غير انك تشوف كود, واتمنى اخلاقكم تتعدل, لاتسبون اي شخص بمجرد اللي يسويه, حاولو تنصحوه اكثر من مرة, اذا ماقبل بعد اخذ راحتك.
شكرا