حياتي بتدمر قدام عيني وانا واقف بتفرج
طلعت عالدنيا ف 2008 عندي 17 سنه اخر سنه ف تالته حاليا طبعا الحمد الله على كل شيئ احنا ف الاول كنا محلتناش اللضى طبقه تحت الصفر بيتنا كله عالمحاره وكان عندنا كنبه واحده ف الشقه كلها وكل واحد سرير واتعشت على كده حاليا يعتبر من الطبقه الفوق متوسطه او ابويا لوحده من الطبقه الجميله دي احنا لسا اول موعيت كان عندي ف حدود ال7 سنين كده كلها مواقف وحشه مع الوالد ضرب زعيق خناق مع امي الي من اول سنه جواز بقو عايشين علشان العيال بس ابويا كان بيخرج الصبح بدري يرجع على 12 بيخلص شغل ويروق على حاله مع صحابه ويجي بالليل كان الكلام ده بعد الثورة كده من اول 2014 مثلا كان الوقت د احنا ف الكحرته زي م انا قولت كان على كلامه بيقبض 4000 جنيه وحتى زمان ده كان رقم مش وحش خالص يعني يعيشنا احسن من كده بس هوا بانانيته كان بيدينا جزء من ال4 دول علشان الناس الي هتفكرني بظلمه اكتشفنا بعد عشر سنين من كلامه انه كان بيقبض 12 الف جنيه من 2014 واحنا بناخد حوالي 2500 مثلا وكانت امي بتشتغل وتحط من مرتبها علشان تقضي ومحدش فينا يحتاج حاجه هوا بعدها سافر من 2015 مثلا من 2015 لحد 2025 مشوفتوش ف الحقيقه غير مثلا 6 او 7 مرات غير كده كلها مكالمات ومكالمات كلها خناق مع امي وسعات يزهق علينا ويقفل ف وشنا والناس الي بتقول ضغط الغربه كان بيخونها ويريته كان اتجوز اهو كان يخونها ف الحلال لا هوا كان بيزني وده مش ادعاء ده كلو اكتشفناه برضه منه هوا شخصيا هوا الي قال بلسانه وموبايله الي مترشق نسوان وبيتقابلو وسكس شات وفيديو كولز وكلام ابيح هنا وهنا وبيبعت لاي وحده يشوفها ويكلمهم ويشتم فينا و نسوان وسخه المشكله انهم متجوزين برضو يعني والله لو ف الحلال عادي بس لا ده اكيد مش طبيعي المهم ان ربنا كرمنا وبقا معانا بدل الشقه 4 ولا 5 ومكنش عندنا عربيه جبنا 4 كل ده لاجل المنظرة بس ي حبايبي احنا جوا مبناخدش فلوس كان مفهمنا برضه ان مرتبه صغير لما راح مرتبه طلع ضخم بمعنى ضخم ورجع اخر سنه بيقول انا عايز اقعد ف مصر طبعا في مواقف كتير جدا وسخه مش هقدر احكيها بس اي حد بيحتاج حاجه من عيلته بيدفع وهوا مغمض عمي او عماتي جدي وجدتي الي بياخدو فلوس ف الشهر زينا بالظبط وهنا انا م بقارن والله بس انا محروم من حجات هما بياخدوها مني كل حاجه موجوده حواليا بتزل بيها زي الكلب قبل م اكل ولا اشرب لازم يفكرني ان دي بفلوسو وان الحاجه دي بالشئ الفلاني بقالي 4 سنين ولاد اخواته بيجيبلهم لبس للعيد لما بينزل كل سنه مثلا وانا محدش بيتف ف وشي حتى بيجي عندي ويقول معييش فلوس واقسم بالله حسابه البنكي يجوز بلد كامله ابوه لو جاله برد بيجبله الدكتور لحد البيت انا كنت بموت جمبه ف العربيه علشان باخد دوا معين اقسم بالله العلبه ب 50 ج وهوا فضل يزعقلي على تعبي وقعد يقولي احنا هنفضل ندفع فلوس كده عليك ومفيش نتيجه يعني هوا احنا هنخلص من الموال ده امتى ده غير انه كان ضاربني وطردني قدام عيلته كلها علشان وقعت شويه ميه عالارض وانا عندي 8 سنين تقريبا حياتنا كلها بقت عباره عن انه بيحاول يرضي ابوه وامه على حسابنا المشكله ان ابوه مش بيحبه وبيحب اخوه عنه وكل م ابويا يبعتله فلوس يديها لاخوه التاني في مواقف كتير نفسي احكيها بس مش هقدر بس ان ف اخر سنه الدنيا بقت اصعب لانه نزل خناقات 24 ساعه هوا الي بيزغق وقعد من الشغل اي حد ماشي يفضل يجر معاه اي كلام لحد م يتخانق وبعدها يسافر مع صحابه يوم م كنت بموت جمبه ف العربيه الي مكنش عايز يدفعلي ال 50ج ف علبه الدواء كان عازم صحابه على اكله ف مطعم فخم ب 9000 جنيه كل ده هوا الي بيقولو بعدين مش افتراء مني ولا حاجه المهم انه بقاله شهرين تقريبا مسافر مبيردش على رسايلنا ولا مكالماتنا وسايبنا بدون جنيه فالشقه ولسا هوا وامي متجوزين بالمناسبه بس كنت رايح عند جدي من باب الواجب النهارده عرفت منه ان ابويا بيتصل عليهم هما واخواته كل يوم يطمن عليهم انا معرفش انا عملتله ايه علشان يكرهني مع اني والله كنت بفضل اعيط وهوا مسافر واحضن ف صورته المطبوعه وابوسها والله ف نفس الليله سمعت منه مكالمه بالغلط مع امي انه مش عايز يشوف وشي ولا يكلمني تاني وامي بتتحايل عليه يكلمني علشان مطلعش اكرهو لما اكبر ودايما بيطلعني انا الغلطان ويقل مني قدام الناس ويشتم فيا ويهددني كل يوم انه هيرميني بره وهيقطع عني الفلوس وكل لقمه بطفحها بيزلني زي الكلب عليها ويخليني اتحايل عليه ووانا واقف قدامه وهوا قاعد حاطط رجل على رجل ويفضل يضحك عليا واكون مثلا بقولو عايز دوا ولا حاجه وببقا بدمع قدامه وهوا يفضل يضحك ودي رساله مني لابويا انا معرفش انت بتعمل معانا كده ليه او معايا انا بالذات مع ان ولاد اخواتك بتجبلهم حته من السما كان نفسي اعيش ف عيله والله مش اكتر مفيش غير امي الي برضو عندها كمية مشاكل بس ربنا يعلم هيا استحملت قد ايه انا مش بلومها على حاجه كلو بسبب ابويا وانا اهو ابنك بقولك انا مكرهتش حد ف حياتي زيك اقسم بالله واني هفضل خصيمك ليوم الدين لوجيت تبوس ف رجلي وهتكبر وهتعجز ومش هتلاقي حد يشيلك والله ليرموك وربنا يقعد كل الي بتعمله فيا ده ف صحتك وفي عافيتك سواء الي بتعمله ده بنيه حلوه يرجعلك بالحلو ولو بالوحش يرجعلك بالسم الهاري ف بطنك واشوفك بتموت قدام عيني كده والله مهمدلك ايدي اقومك حتى الاهي يرب يقعدلك ف مرض تقعد منه متقومش ومتلاقيش حد يمدلك ايده يساعدك وطبعا الحمد الله على كل شيئ وعلى كل نعمه الي الواحد ميقدرش لا يعدها ولا يحصيها وكل الي بيحصلي ده ابتلاء من عند ربنا وانا عارف ان ربنا مبيديش حد فوق طاقته وبس السنادي موقف شغل ععلشان 3 هخلصها وارجع اشتغل تاني ادعولي بالله عليكو نفسي اعديها بس بالنجاح وربنا يسعدكو ويشيل عن اي حد المرض وينجحكو جميعا