حاجه مرعبه حصلت خوفتني في الجيش ومبحبش احكي عنها كتير
كنت في الخدمه بتاعتي عادي زي اي يوم ممل وكانت خدمتي بتكون بليل من بعد الساعه12 طلعت البرج كالعاده وواقف في البرج شادد خدمه مره واحده سمعت صوت حد بيهمس بيقول يا دفعه صوت كان تقيل كده وواطي بشكل رهيب جسمي دب فيه القشعريره حسيت اني خايف معرفش ليه بصيت من البرج لقيت واحد لابس لبس ميري بس قديم اوي كده تقريباً تحس اللبس ده كده من زمان اوي المهم بص ليا اوي كده وضحك ضحكه رهيبه اوي خوفت منها والصمت سايد ما بينا ومتخشب مكاني مفوقتش غير لما احمد صاحبي جه يتمم عليا فقولتله هو مين العسكري الجديد اللي لابس لبس مقطع ده تحت البرج بتاعي قالي عسكري مين يبني اللي جديد مفيش الا انا وانت والفردين اللي تحت قولتله في حد دلوقتي بص عليا وضحك وكان بينادي بصوت خافت قالي يعم تلاقيك بيتهيألك المهم اكتشفت بعضها أن البرج ده في عسكري استشهد فيه ومات من ساعتها بقيت بطلع البرج ده وبردد دايما ايه الكرسي بس الموقف نفسه رعبني