انا اكتشفت ان اختي عندها قابلية إنها تكلم ولاد
انا اختي في كليه يعتبر وانا متخرج المهم وانا في الشغل كنت قاعد ع مكتبي فاضي فقومت قولت اما اعمل اكونت انستا واكلم اختي منه المهم عملت الاكونت وحطيت شويه صور قطط جمعتها عشان هي بتحب القطط وضيفت شويه اطباق اكل وحطيتهم عشان هي بتحب الاكل وكدا ودخلت كلمتها وقعدت اسرسبها واجرها في الكلام واسمعها وكدا المهم علي مدار كلامنا اللي هو اسبوعين هو كلامها معايا كان محترم وانا برده يعني بس هي قالتلي بيانات شخصيه ليها وتفاصيل كتير وكانت بتفضفضلي عن صعوبه الكليه والامتحانات وتشتكي من الضغط ومننا احنا وابويا واحيانا بتهزر وتتكلم معايا وممكن تكون فضفضتلي وقالت كلام مش ممكن تيجي تحكوهولي في الواقع احنا من اسره محافظه ومش من الطبيعي عندنا انها تعمل دا
المفروض أعمل إيه انا خايف لو استمريت كدا هتكشف او هعمل غلطه وساعتها هتكون مشكله كبيره وهتبقي سابقه كبيره وفي نفس الوقت مش هقولها طبعا انه انا عشان مش هتثق فيا تاني
انا بفكر اقعد اقولها قصص غير مباشره ان الولاد بيتلاعبوا بالبنات وحوادث الإبتزاز وانها متكلمش غرباء اعمل كدا المفروض اعمل ايه اصل لو مشيت هي عندها ثغره اي حد غيري ممكن يستغلها وتنضرب منها
أعمل إيه