u/Equivalent-Sell1202

أنا في سنة تالتة و التيرم ده أول تيرم كلينيكال أخدت في باطنة ( نيورو ، كارديو ، تروبيكال ، كلينيكال باثولوجي ، أشعة) و كان عندي النهارده آخر امتحان في باطنة؛ كان امتحان ريتين، أنا حليت فيه وحش و مذاكرتي كانت ضعيفة أوي. أنا خايف مجيبش درجة النجاح في النظري ( ريتين ، إم سي كيو)، أنا لما حسبت درجاتي لقيت نفسي هجيب أقل من درجة النجاح بواحد أو اتنين في الماية ومش عارف عندي رأفة ولا لأ.

أنا مكتئب من ساعة الامتحان الصبح و مرعوب علشان لو شيلت هعيد السنة علشان معنديش دور تاني ، و عمال أفكر إني لو عيدت السنة كده هتأخر سنة في التخرج. طب وهقول ايه لأهلي لما يعرفوا و صحابي لما يعرفوا إني عيدت سنة و بقية الناس اللي تعرفني!

أنا نفسي يتشال من دماغي فكرة النبوءة ذاتية التحقق اللي بتقولي دايما إني مش بعرف أذاكر و إني مهما عملت مش هجيب درجات عالية وإني مستحقش أكون شاطر و متميز و إني مش هعرف أكون دكتور أصلا.

الأفكار دي بتخليني مش عارف أذاكر و بفضل أهرب منها بإني أمسك الموبايل أو أعمل أي حاجة ، بس كل مرة كنت بذاكر قبل الامتحانات و بنجح بجيد جدا و لا جيد،

لكن المرة دي أول مرة يحصل كده.

أنا معنديش أي رغبة في الحياة دلوقتي ومش عارف ازاي هكمل!