محتاج مساعدة
يا شباب مساء الفل انا بدور على اي شغل او تاسكات فريلانس الفتره دي عشان مزنوق في مبلغ في حدود 1000 جنيه ف لو حد قدامه اي حاجه ياريت يكلمني وهنتفق على طول
انا هقولكم بعرف اعمل ايه بالتفصيل عشان لو حد محتاج حاجة
بعمل برزنتيشنز باوربوينت مش مجرد كلام مرصوص وخلاص وبنسق الالوان والتصميم عشان تطلع حاجه محترمه سواء لشغل او دراسه وكمان بكتب وانسق ريبورتس على الوورد بشكل نضيف ومترتب وبظبط الجداول وكل التفاصيل دي
عندي خبره كويسه في الفوتوشوب وتعديل الصور ومونتاج الفيديوهات والموضوع ده بحبه جدا مش مجرد شغل
عموما انا طالب سنه رابعه سوفت وير فمتعود على ضغط الشغل والديدلاينز وبسلم الحاجه في ميعادها من غير متابعه واي حاجه تخص الكمبيوتر والتكنولوجيا بتعلمها بسرعه وحتى لو في تاسكات بره المجالات دي معنديش مشكله هعملها
انا مبسوط باي مبلغ ومش هنختلف في دي خالص بس التحويل ياريت فودافون كاش عشان معنديش وسيله تانية
لو حد عايز يشوف السي في او عنده شغل يبعتلي رساله وهرد عليه علطول