المعانة تبع الغربة و ما في ذالك :)
كيفكن يا جماعة - شو الاخبار؟
انا اليوم بدي فشلكون خلئي نظامي.
شوية معلومات ب الاول:
انا طلعت من الشام لما كان عمري ١٠ سنين. عشنا ببلد لمدة سنتين تقريبا و بعد ما لحئتنا المشاكل (حرب مرة كمان بس بين الشعب) على هالبلد ف اضطرينا نطلع متل اكتريت العالم على اوروبا. انا هلأ صار عمري ب اول العشرينات و الحمدلله اموري ماشية من اكترية النواحي لكن في شغلتين معبيين راسي: احساسي ب الانتماء و امنيتي من ناحية الزواج.
اول شي من ناحية الانتماء:
يا جماعة انا زرت الشام ب ٢٠٢٥ و حسيت حالي غريب عن الاهل و البلد - صراع بين انو طريقة تعاملي اليومية صارت اوروبية و قليلة التجامل و اني انا من الوطن. غير هيك ف اراء عامة بالشام انا ضدة كليا و بحسا رجعيا جدا. بالجهة التانية سدئوني ب البلد الاوربي يلا انا عايش في ما بحس حالي قطعة من المجتمع. احد تقاليدهن زفت و بعيدة عن طريقة الحياه يلي انا بدي عيشا. لما اجينا على هالبلد بابا ألي كلمات دهب: اتعلم من الجهتين و خود المنيح منن. المشكلة انو حاسس الجهتين ما فيون يتقبلوني ازا ما اخدت الحامض مع الحلو.
من ناحية الزواج:
انا ما عندي شي ضد الزواج بوحدة مو سورية، بس بعرف انو حياتي و حياتة لح يكونو اسهل كل ما كانت اقرب على التقاليد و الحياه السورية. المشكلة هي انو انا بخاف اتزوج وحدة سورية و طلعا من سورية - بخاف من انو الشغلة تكون مبنية على اساس الطلعة من البلد و مو للحب، الحياة و الزواج (اي نعم لساتني بسدئ بالرومانس🤣). بالجهة التانية عندكن الانسات العرب و السوريين ب اوروبا - الشاطر بدو مهر ….، و يعني حقن ازا بيستاهلو، بس مو هون المشكلة الرئيسية! المشكلة الرئيسية هي انو البنت اكتريت الوقت بتكون:
١. جاية على بالا تصير ست بيت - اتخيلو! يا اختي اهلك وصلوكي على بلد بتعطيكي احلا الفرص و الحقوق و مع هيك بدك اتكوني ست بيت؟
٢. دارسة و بتشوف حالا و بتتأنزع لدرجة انو الواحد ما بدو يتعامل معا ابدا. هي ازا مو اما و ابوا حاطين انفون بالسما و بدن كل شي يمشي على كيفون… والله التواضع حلو - حتا ب ٢٠٢٦…
المشكلة انو الجوهرة يلي عم دور عليها صعب اني لاقيها ب هالايام: إنسانة متواضعة، متوازنة و بدا تبني حياة و عائلة و مستقبل وين انا و هية اساس البيت. وين هية لسا فية تكون مبدعة بمجال دراسي او عملي. انا جاهز لحتا كون قطعة من حياة الولاد - ما رح كون الاب يلي عم يعييش البيت بس مو عايش في. شو الحل؟ وين فيني التقي ب إنسانة محترمة و نضيفة؟ لا تقولوي تطبيقات 😐
اسف ازا العربي تبعي مفشكل شوي - ما درست عربي من الصف الرابع و صرلي زمان ما كتبت شي بطول مقالة 🙃.