نفسي اعرف احنا شو استفدنا من حركة فتح ؟؟؟
انا مش حماس ولا انتمي لاي فصيل وحق الجميع ينتقد اي فصيل بده ياه بس بما اني عايش بالضفة حقي انتقد اللي حاكمنا من يوم ما انخلقت….ممكن حدا يعدلي ٥ انجازات لحركة فتح من يوم تاسيسهم لليوم؟؟؟؟
راحوا عالاردن صاروا كل واحد بده يعمل حاله عنتر وتسببوا في حرب اهلية لليوم الفلسطيني بتعرض للتفرقة والعنصرية بسببها.
راحوا على لبنان ما تعلموا من غلطة الاردن وعملوا حرب اهلية حرقت الاخضر واليابس بالبلد وبعدها طلعوا وتركوا الفلسطينيين المدنيين بالمخيمات مثل صابرا وشاتيلا يتعرضوا لابادة جماعية وطبعا عدا عن انهم قضوها دايرين بالمراقص والكباريهات.
وقفوا مع احتلال الكويت مع انه عدد سكان الكويت وقتها نصه كان من الفلسطينيين اللي عايشين بكل حب وتآخي مع الشعب الكويتي واللي ادى بالنهاية لترحيل كل الفلسطينيين من الكويت واللي كان ينمسك منهم كان ينقتل عالهوية.
رجعوا على البلاد بعد ما تنازلوا رسميا و بغير وجه حق عن ٨٠٪ من ارض فلسطين مقابل وعودات بسلطة حكم ذاتي يعني حتى مش وعد بدولة ومع هيك ما عرفوا يحافظوا عال٢٠٪ الباقية من تهديدات الاحتلال و المستوطنين او حتى من نسبة الجريمة المرتفعة. وطبعا فشل اعلامي ولا حدا بتفرج ع مؤسساتهم الاعلامية اللي بيندفع عليها مليارات وفشل سياسي ٣٣ سنة مفاوضات النتيجة صفر مكعب وفشل اقتصادي الشعب الفلسطيني بعد شوي بصير يشحد وفشل امني مع انه نص ميزانية السلطة رايحة ل٨ اجهزة امنية وفشل اداري واخلاقي فساد وواسطة ومحسوبيات . جننونا بالانضمام لمحكمة الجنايات الدولية واعلنا يا شعبي اعلنها وبالاخر ولا قائد اسرائيلي تقدموا بطلب لمحاكمته بالجنائية الدولية
عدا عن التنسيق الامني عدا عن اجبار الشعب الفلسطيني عالسكوت بكل الطرق لمنع الوقوف مع غزة عندما كانت تذبح من الوريد للوريد مثل الاعتقالات والقتال العلني اللي صار ضد المسلحين بجنين وطولكرم.
التعليم بفلسطين كان يضرب في المثل وكان الطالب الفلسطيني من الافضل عالميا اجت فتح اليوم التعليم في الحضيض
حتى لما قررت فتح تنشق راح محمد دحلان قعد بحضن الامارات ما ضل دولة عربية ولا شعب عربي تعرض لاضطهاد الا كان هو ورا الموضوع من ليبيا للسودان لمصر الخ…
اذا كانت حماس دمرت غزة ففتح دمرت العالم العربي وكله فوق راس الشعب الفلسطيني
المهم اولادهم عايشين برفاهية وكل يوم طشة ع اوروبا اولاد ابو مازن و ابن ابو دخان وتالا بنت حسين الشيخ اللي وهي عمرها ١٨ سنة معها رينج روفر وبتحكي هاي البلد النا
احنا شو استفدنا منكم؟؟؟؟؟؟؟