بلولوك انمي هابط
كلامي بعيد عن الانميشن فقط عن الاحداث وحتى الشخصيات عاجبتني بس مشكلته الاحداث والمباريات واللي هي شي اساسي فيه
لما اقول هابط يعني انه في فتره من الفترات كان جامد وصار مستواه متدني و يب الموسم الاول كان انطلاقه رهيبه كان فنان كان حاجه جديده بفكره جديده
لكن الفكره مو كل شي وانا ما اتكلم عن الموسم الثاني كان مقبول لكن كلامي عن المانجا نفس كل شي ما تغير حاجه غير جابو شخصيات جديده
مباراه يتقدم فيها الفريق المنافس بالشوط الاول
البطل يكون يتنافس مع شخص بالفريق
البطل يلتهم المنافس
نظام مين يستفيد من المهاجم المتهور اكثر
البطل يجيه يأس اول شوط بس يستجمع عزمه اخر شي
انا عاجبتني الشخصيات بس مشكلته المبارايات تكرار وفوق ذا مليانه سوالف يعني عادي اشرح بس شرحهم مبالغ فيه انا عندي عيون داري المهاجم جاي من خلف مكوتك ويحاول يهوش لك عشان خويه ياخذ الكوره محسسني اني ورع يشرح كل صغيره وكبيره
هذا غير نظام الهالات صار كرنجي نظام يجيب لك هاله من عيونهم وانه اوه هذا يمثله الاسد وهذا مدري ايش وهذا فخم مع هذي الهاله كانه سولو ليفلنج
حسافه مستوى متدني من انمي عنده إمكانيات