بوست في الاسلام
أنا مسلم وعندي قناعة تامة انو لما الشخص يقرأ أكثر عن الاسلام والتاريخ والسنة رح يكتشف شو سبب انتشار الدين بهي الطريقة بالعالم
رح احكي بس عن بلاد الشام وحصرا سوريا لانو عندي تفسير مهم لحالة شعبنا هاليومين وكلو بيرجع لوقت الفتوحات الاسلامية
كانت الشعوب الي عايشة بهالمنطقة على ايام الروم والفرس ناس بيشتغلو بالتجارة والزراعة وكان في حضارة ممتازة ومحترمة بوقتها وفي تطور علمي وفلسفي وهندسي ومعماري وفلكي.... الخ
عمليا ما كانو الناس عندن مشكلة مع اي شي بحياتن.
بعد ما صارت الحروب بين الفرس والروم وضعفت المنطقة وحرفيا (استويت) من الصراعات الي كانت دايرة بهالفترة، بيستغل هالموضوع المسلمين القادمين من شبه الجزيرة العربية الي كانو محملين بتعاليم الرسول صلى الله عليه وسلم وما جاء بالقرآن الكريم عن فتح المناطق الجديدة واخذ الأسرى والسبايا وما إلى هنالك.
كما جاء في سورة الانفال الاية (٦٧) : (مَا كَانَ لِنَبِيٍّ أَن يَكُونَ لَهُ أَسْرَىٰ حَتَّىٰ يُثْخِنَ فِي الْأَرْضِ ۚ تُرِيدُونَ عَرَضَ الدُّنْيَا وَاللَّهُ يُرِيدُ الْآخِرَةَ ۗ وَاللَّهُ عَزِيزٌ حَكِيمٌ)
وكان تفسير الطبري كالتالي: قوله: (حتى يثخن في الأرض)، يقول: حتى يبالغ في قتل المشركين فيها, ويقهرهم غلبة وقسرًا.
بدي ياك تتخيل حالك بهداك العصر شخص همك اكلك وشربك وشغلك وبيتك فجأة يفوتو عليك فرسان بدون سبب يقتلوك ويقتلو اهلك قدامك ويحرقو بلدتك وبيتك وبيت جيرانك ويقتلو كل معارفك بس لانك من غير دين. بس لانك كافر بوجهة نظرو. مع انو حرفيا ما حدا سألك اذا حابب تغير دينك مثلاً.. وحتى لو تم سؤالك اذا جاوبت بالنفي ورفضت الاسلام رح يتم حرقك عايش او قطع رأسك او اغتصاب اهلك او تعذيبك...الخ
الموضوع مرعب صح ؟
تخيل حالك مو بالبلد الي تم دخول المسلمين اليها تخيل حالك ببلد بعيدة عنها مسافة ٧ ايام سفر وسمعت خبر انو العرب كانو عم يقطعو روس وعم يقتلو العالم بطريقة همجية (حتى يثخن في الأرض)
انت كرجل رح تخاف ع أهل بيتك ورح يكون عندك حالة رعب رهيبة بسبب الاخبار لانو بهداك الوقت ما كان في سوشيل ميديا كان الخبر ينتقل على حسب ذاكرة الاشخاص وهالشي اكيد سبب تضخيم بحالة الهلع من وصول العرب لبلاد الشام
برايي الشخصي بسبب هالشي صارت الناس تفوت أفواجاً في الاسلام مو بسبب التعاليم الالهية والسلام والمحبة ولكن من الخوف من السيف وبطش المسلمين بهداك الوقت لانو ببساطة كان عندك 3 خيارات اما الموت، او الدخول في الإسلام، او انك تضل على دينك بس تكون عبد وتدفع جزية وتتعامل معاملة كلب ويستباح عرضك وشرفك بأي لحظة بس لانك من غير دين عايش بمنطقة حكم اسلامي.
برايي تراكم الخوف المرعب من الاسلام والارتداد عن الاسلام - من يرتد يقتل - سبب اكبر حالة نفاق بتاريخ البشرية
حالة نفاق انو خلص انا مسلم معك بس ما تقتلني وبصلي وبصوم والخ بس منشان ما موت او يستباح عرضي من المسلمين.
النفاق والكذب الاجتماعي من كل المجتمع مع بعضو على مدى قرون وصلنا لحالتنا هلق بسوريا انو صار الشعب على مبدأ (مين ما اخد امي بقلو عمي ) ومندافع عن اي شخص او اي شي بغباء مزعج جدا بدون تفكير او انو نشغل مخنا حتى. لانو تعود شعبنا عالكذب والنفاق وانو ما بيقدر يقول رايو عمليا.. الموضوع تفاقم بعد الاحتلال العثماني وتفاقم بعدا بوقت ملعون الروح حافظ الاسد وابنو المخلوع.
بس خلينا بالسبب الاساسي برايي الي هو انو الاسلام وصلنا لهون..
وبرايي انو هذا السبب كمان للحساسية المفرطة لدى المسلمين عندما يتم انتقاد دينهم.. لانو تطور مخنا عبر الزمن انو ٩٩٪ من حالات الناس الي بترتد او بتجرب تشغل مخها بيتم قتلهن او قتل حياتهم الاجتماعية على اقل تقدير.
بعدنا عم نحكي عن بلاد الشام هون بس عمليا المسلمين كلن كمان نفس الشي يعني فينا نقيس هالشي على باقي الأمم الي تمت عليها (الفتوحات الإسلامية).