الصورة النمطية للرجل المثلي بالشرق الاوسط
لاحضت انو هواي من الرجال المثليين المعروفين على مستوى الوطن العربي (ساهر) او العراقي (رورو) كلهم عدهم نفس ال.... شلون اكولها، النمط المؤذي. ينزلون من انفسهم من خلال طريقة كلامهم البذيئة و تصرفاتهم الغبية، يضهرون نفسهم على هيئة الرجل المثلي الفارغ اللي ما عنده اي هواية او شخصية خارج ميوله للجنس المطابق، و بشكل عام ما يكدرون ياخذون اي موضوع بجدية و كل همهم المشاهدات و الونسة و انو يضوجون الناس اللي تخالفهم، طبعا اذا شايفين محتوى اللي ذكرتهم راح تعرفون قصدي شنو، لان يمكن عبرت عنه بصورة سيئة.
طبعا ادري كلش زين كل واحد حر بحياته و اذا هم شخصيتهم هيج flamboyant و ميهتمون لكلشي فبكيفهم بس كلش اضوج لمن اشوف ذوله الاشخاص معروفين على الصعيد العربي ك الrepresentation الوحيد للذكر المثلي، خصوصا لمن اغلب المثليين ناس طبيعية عدهم اهداف و هوايات و شخصية و هويتهم الجنسية عادة جزء صغير من حياتهم مو كلها.
طالما يبقون ذولة الواجهة للمثلية بالوطن العربي فالمجتمع ابد ما راح تتغير نضرته تجاه المثليين، و ما راح يكدرون يشوفوهم كناس طبيعيين حالهم حال باقي الناس بسبب النماذج اللي تنقل هلstereotype الضار.