ازايكم يا جماعة
دلوقتي انا عندي مشكلة مع اختي الصغيرة
هي في تالتة ثانوي و مش بتذاكر خالص خالص رغم أنها كانت من الأوائل قبل كدا بس اتلمت على أشكال ضايعة خالص ف بقت شبههم، الأشكال دي مش ضايعة في المذاكرة بس لا دول ضايعين اخلاقيا كمان ،كل واحدة فيهم مصاحبة ولاد صايعين كتير اوي و طبعا اختي بقت شبههم بالتدريج لدرجة ان حد من زمايلي الولاد شافها نازلة ديت مع عيل قبل كدا و صورها و هددها انه هيقول ل بابا لولا اني اتدخلت كان الموضوع انكشف ،بس انا وا لله بتدخل عشان اعدي الموضوع و هي تتحسن و كدا لكن مفيش تحسن خالص هي بتبقى أسوأ، حتى بتقولي انها بتصاحب عيال تعلقهم بيها و بعدين تقولهم انها مش عايزاهم و تقطع معاهم فعلا (محدش يغلط فيها هما كدا كدا عيال مهملين و انا متأكدة ان الموضوع مش مؤذي بالنسبالهم لانهم اكيد بيتسلوا برضو) كمان لبسها بقا خرا اوي و ماكياج اوفر و الطرحة باين منها نص شعرها ،انا كذا مرة اتكلمت معاها ف الحوار دا لكن مفيش فايدة برضو ماشية بدماغها لدرجة انها عملتلي بلوك قبل كدا عشان شديت معاها ف الكلام شوية ،مش عايزة اقول ل بابا على تصرفاتها عشان خايفة عليها منه جدا خاصة انه مش بيتفاهم ف الأمور دي و اه يا جدعان مش بيشوفها و هي خارجة الدروس بالاثنين كيلو ميكاب عشان بيكون في شغله التاني لانه بيشتغل شغلنتين عشان يوفرلي مصاريف دراستي لاني ف كلية خاصة و دا آخر ترم و كدا ،ف هي فاكرة انها هتدخل خاص لو مجبتش مجموع لكن دا مش هيحصل لان بابا خلاص فلوسه خلصت و كمان مش هيآمن ليها تغترب شبهي،انا بعيدة عنها ف مش قادرة اتحكم في تصرفاتها لكن لما ببقى ف اجازة بتكون كويسة جدا .قولتلها تقسم السنة و انا هساعدها تذاكر مادتين السنادي و الباقي السنة الجاية بس لازم تنفذ باقي الشروط و هي انها تقطع مع العيال صحابها و تحذف سوشيال كلها لأنها فضحتنا مع قرايبنا و انها ترجع تصلي و تعدل لبسها ،قالتلي هفكر و ع الحال دا من اول الاسبوع و كل شوية تتهرب مني
الجديد دلوقتي ان وصلني مكالمة من حد قريبنا بتشتكي انها بتتعاير بلبس اختي و ان ابوها معرفش يربيها و كلام من دا ف هي قالتلي اتصرف انا بدل ما تتصرف هي ،ف انا حاليا مش عارفة اتصرف ازاي مع البت دي و انا دمي اتحرق من كتر الكلام معاها.
اسفة جدا لو كنت طولت عليكم و شكرا ل أي حد هيساعدني ب أي اقتراح.
تعديل بسيط: حاولت اكلمها دلوقتي و قولت كل اللي عندي بس واضح اني استخدمت اسلوب تقيل عليها قالتلي اني مريضة قولتلها كلام الغريب مقالوش و عملتلي بلوك انا حاليا خايفة عليها و بدأت اندم اني اتكلمت