انا S'24 فى هندسة دلوقتى

وعلى الرغم من ان عندي ذكريات كتيييييير وحشة في المكان اللعين دة

بس

فى اوقات كدة الواحد بيحس ان ستم وحشته. واكتر حاجة بتوحشني هي النفسية الحلوة والمود العالي اوى لما كنت ببقى مع بعض الأفراد إلى يتعدوا على أصابع اليد الواحدة.

وكل صداقاتى إلى لسة قائمة من ستم هم ٨ أفراد plus or minus ٤. وكلهم معايا في مدرستي (مكنتش الشخص الي بيقعد يلف ويدور ويعرف من ستم البحر الأحمر وستم الكس وستم كفر السمبلاوين وستم بلد المواويل)

ويمكن وانا بكتب البوست دة حضرتنى الاحاسيس دى.

وحشنى ضحكة واحد صاحبى جدا لما كنا بنقعد نهزر مع بعض ونتهكم ع اى حاجة.

وحشني روقان البيست وان الواحد لما بيقعد معاه بيروق من الهموم

وحشني حلول واحد منهم كان Problem solver وعنده life hacks كتير جدا

وحشني النقاشات إلى كنا بنعملها فى اعبث مواضيع ممكن نتكلم فيها ونطلع ب conclusions عميقه جدا

بصراحة مش عارف هل جايز انساها فى يوم؟

ولا هتفضل متعلقة بخيط رقيق في نسيج ذكرياتي، احيانا الخيط يفضل يلتف على نفسه لحد ما يبقى حبل متين ويقدر يتسلق ليصل لأعلى نقطة في ادراكى وافتكر

وأحيانا يبقى شبه انقطع خالص وسقط الذكرى فى أحلك النقاط سوادا في ذهنى

تفتكر جايز؟!