زميلنا ف المدرسة كان محبوب من كل الناس حقيقي طلاب و مدرسين كان مصاحب واحدة معانا برضو و الناس كلها كانت عارفة انه بيحب صاحبته دي جدا و حقيقي كانت كل تصرفاته بتقول كده ف مره اتخانقوا مع بعض خناقة كبيرة شوية و هي قالتله كلام وحش اوي و عملتله بلوك (انا معرفش ايه المشكلة اللي حصلت بينهم و معرفش مين الغلطان) بس هو حاول يرجعلها كتير اوي و حاول يصالحها اكتر من مره وهي رافضة وبعد فتره بسيطة ارتبطت بحد تاني معانا برضو ف المدرسة ف زميلنا ده اللي صاحبته سابته غالبا دخل ف حاله اكتئاب و مستواه الدراسي قل و بقا يغيب كتير...بفتح انستا لقيت المدرسة كلها منزلين صورته و انا لله وانا اليه راجعون و جروب المدرسة و صفحة المدرسة علي فيسبوك طبعا مصدقتش و كنت بتمنى ان الخبر يكون غلط دخلت سالت صاحبه المقرب اوي عشان لقيته مش منزل حاجة قولت اكيد هما غلطانين رد عليا صاحبه بيقولي ان يحيى ف ذمة الله تاني يوم ف المدرسة عرفت هو مات ازاي... كلم صاحبته دي و حاول يرجعلها تاني بس هي فشخته ف مشاعره و عملت بلوك برضو راح قام خد حبة غلة اللي هي برشامة السوس تقريبا ولما بطنه بدأت توجعه خاف ورن علي اصحابه قالوله انهم قاعدين تحت ف الشارع نزل قعد معاهم دقيقتين بس وبدأ يرجع دم صحابه خدوه المستشفى و مات هناك
الموضوع ده بقاله سنه ونص انا لحد دلوقتي مش عارفة اتخطى دايما بيجي ف بالي ان اللي بيموت منتحر بيبقا كافر عند ربنا بس بدعي ان ربنا بجد يغفرله لانه كان محترم جدا بجد و أخلاق و بار بوالديه كمان من اللي كنت بشوفه بدعيله كل وقت و بتمنى بجد ان ربنا يغفرله
ادعوا ليحيى احمد بالرحمة فضلا