أضن مسئلة وقت و يضهر قاتل/قاتل متسلسل في العراق ؟
حقيقة الموضوع مقلق بالنظر الى المؤشرات الحالية.
أساس الفكرة اجالي بعد ما اطلعت بشكل دقيق على الحالة النفسية للمجتمع الحالي .
أول شيء خل نشوف شنو نحتاج حتى ينولد قاتل / قاتل متسلسل ؟
- ضعف المتابعة الأمنية أو قاعدة البيانات
- ناس تختفي بدون اهتمام إعلامي كبير
- ضغط نفسي واجتماعي مزمن
- انتشار الصدمات والعنف الطبيعي بالحياة اليومية
- انهيار بعض الروابط الاجتماعية
مألوف مو؟ ، ذني حرفيا مكونات صالحة و خصبه لأنتاج قاتل وسط مجتمعنا .
احنا عدنا حالات قتل ولكن تكون لأسباب التالية
- ثأر
- نزاعات
- عصابات
- عنف أسري
- مشاكل مخدرات
- دوافع مالية أو انتقامية
و هذني يكون لاسباب انانية حصرا للشخص .
بينما القاتل المتسلسل يكون يتبع مبدأ أو كود معين يريد يحققة
هنا ينقسمون نوعين
الشر المروض : و الي يكون يدري بروحة مو خوش مع ذلك يوضف شرة بطريقة هو يعتقد مفيدة المجتمع ، حيث يبرر افعالة بانه جاي يفيد المجتمع من العينات الي تخلص منهم
الشر الفوضوي : شر خالص نابع من انعدام خوف و إيمان عند الشخص ، النوع هاذ يقتل لين يريد يقتل ، اما بسبب هو يستمتع بالقتل اما هو ما يحس شيء من الأساس و يريد يحس .
معظم الناس حتى لو عاشوا:
- فقر
- حرب
- قسوة
- صدمات
ما يتحولون إلى قتلة.
التحول إلى قاتل متسلسل يحتاج تركيب نفسي خاص جدًا، مو مجرد “ظروف سيئة”.
و صارحة اني اشوف العراق حاليا أرض خصبة جدا للقتل بدون حساب و رقابة ، بسبب رخص الارواح مؤخرا .
فقرة اخيرة . بالفعل اني لكيت شباب عدهم ميول دموي مثير للاهتمام ، و من ناقشت السباب معاهم تبين عندي نقاط رئيسية
اغلبهم يفتقد التعاطف البشري و مشاكل عصبية و نفسية
و الي فاقم الأزمة عليهم هي الضروف .
تحديدا القمع الفكري و الاهانة المستمرة و الاذلال الي يتعروضن له من الطفولة و الان .
ناهيك عن ذكر مشاكل التحرش الجنسي و الستغلال الي تعرضوا لها .
عدنا مستقبل بارع 🥀