u/Immediate-Kiwi-1439

قبل إذا شفت احد يسوي شي غلط او يضر نفسه انصحه، وكالعاده اغلب الناس يستمرون بالغلط لين يطيحون بعدها يطلبون المساعده وكنت أساعدهم

الحين وقفت المساعده لهذول الناس لأني ما أشوفهم يستحقون المساعده، الي يستحق هو المسكين الي يصير له الشي غصب عنه

يعني مثلا شخص دخل بموضوع تجاري اكبر منه ونصحته وما سمع ما بساعده
شخص دخل نفسه بمشاكل ما تعنيه
شخص يخاوي ناس فاشله ومنحطه
شخص ٢٤ ساعه فاضي ونصحته يشغل وقته ورفض
شخص مايهتم بصحته ويقول كلنا بنموت

طبعا كشخص كان عطائي لا محدود مع الكل بعدين ما تغيرت صاروا يستنكرون لأنهم تعودوا على العطاء لدرجة صاروا يشوفونه واجب علي 🤣

قديما كنت اقدم كل ما أستطيع لمن حولي وخاصة الوالدين، كان المردود شكر بسيط
وعندما اخطئ او أقوم بعمل اي شي ضد افكارهم، كان العقاب شديد

الآن وبعد انتقالي ووضع مسافات وحواجز، مع امتلاك المال الوفير
اصبح تقديم الخدمات والمساعده مرحب فيها جدا ويتم تقديرها بشكل خيالي
وأصبحت اخطائي وأي عمل أقوم به ضد افكارهم ومعتقداتهم، حريه شخصية

عائلتي تعتبر كبيرة ( الجد والجدات (زوجات الجد) والأبناء والأحفاد) عددنا حول ال١٠٠ شخص

يوجد شخص مريض سام صاحب صفات وسلوكيات حقيرة مثل الكذب والغش والخداع واغتياب الناس والتلاعب والحقد والحسد، ولكنه ينكر ومن حوله ينكرون

هذا الشخص المريض استطاع تفكيك الاسره وزرع الكره والعداوه والحقد بين أفراد العائلة، فيلعب دور البريء المصلح مع مجموعة، ويلعب دور المحرض المشجع على الشر مع مجموعة أخرى

طول عمري اسمع كلام إني شخص أناني وما يمشي إلا ورا مصلحته
طيب؟ أين الخطأ أنا لا أراه

دام إني ماضريت احد ولا أفشيت سر ولا ظلمت، أنا حر أني اترك اي احد وجوده حولي مجرد عبئ ومايفيدني بشي

مو ضروري نتضارب وننشر غسيل بعض، مو ضروري تسوي لي شيء سيء
مجرد وجودك بحياتي بدون ما تفيدني سبب كافي اني أتركك وما احتاج ابرر المهم اني ما سببت لك ضرر او اعتديت عليك

تركت علاقه عاطفية عمرها ٦ سنوات لان الطرف الثاني كان عبئ علي أنا اقدم واخلي حياته افضل وبالمقابل هو ماحسن شي بحياتي
تركت اصحاب عشرة ١٧ سنه و٢٥ سنه لأن وجودهم صار عبئ وثقل أنا أفيدهم بكل شي وأحسن من حياتهم بالمقابل محد منهم فادني او حسن من حياتي
خففت تواصل مع بعض الأفراد من العائلة لنفس السبب

والنتيجة؟ هم يشوفوني أناني وناكر للعشره والجميل لأني وقفت انقذ حياتهم مجانا بدون مقابل ( مقابل معنوي وعاطفي)
وأنا أشوف إني ارتحت نفسيا وصرت ما أقبل إلا العلاقات السويه من الناس الي تفيدني وأفيدها بشكل متبادل

بالمقابل أشوف الي ينتقدوني علاقاتهم مدمره وتسبب لهم استنزاف مادي وعاطفي فضيع وهم أصلا غير راضين بالعلاقة؟ مثلا شخص صرف ٦ آلاف لمناسبة احد أقاربه الي يهينه ويقلل منه دائما
والثاني اسبوعياً يجتمع مع ناس مايحترمونه ويتدخلون بخصوصيته
وكثير أمثله على علاقاتهم المدمرة مع ذلك ماعندهم الجرأة يتخذون خطوة قوية وجريئة مثل الي أنا خطيتها