u/ImpressionGood21

طبعا بالفترة الأخيرة اكتشفت شيء او نوعا ما وصلت لقناعة
انو غلط المحيطين بيك المقربين يعرفون افكارك الدينية طبعا مااقصد الاهل انما الاشخاص الي "تثق بيهم" والي ينعدون ع الاصابع، مستحيل شخص مسلم لو مسيحي لو من غير دين مقتنع بدينو انت تجي تكوله دينك هيج وهيج وهيج وتكعد تناقش وتعب نفسك لان راح يدخل بالف باب ويحاول بكل الطرق يطلع هو صح وانت الكافر المرتد ، مثلا تكول لمسلم القران بيه اخطاء علمية وتاريخية شبه مستحيل يصدك عبالك راح يتعب نفسو ويروح يبحث ويقرا بحيادية؟ مستحيل لو تكوله نبيك تزوج طفلة بعمر ٦ ودخل عليها بعمر ٩ يتقبل الموضوع واكو منهم مايعرفون بهاي الروايات ويرفضوها ؟ راح يضل يفكر شون انت تنكر حياة مابعد الموت؟ وشون تنكر الجنة والنار؟ وعلامات الساعة؟ والمعجزات بالقران؟ عدم ايمانك بوجود الله هو شيء مايكدر الشخص المومن يستوعبه اساسا
اني جنت قبل عندي صديقات ٢ وحدة ملحدة والثانية لادينية فهم بنفسهم اعترفولي بوقتها انشال عقلي وماصدقت وضلينا ايام نتناقش وجان فكري متمسك بهاي الكتب الصفراء وجنت ضايجه منهم وجتى اتقزز منهم واشوفهم كفار وحتى قطعت العلاقة بيهن
مرت سنين وجنت احاول اتقرب من الله احاول"اصلح نفسي" بعدين دخلت اقرا بالدين شفت كواراث فقررت اخلي المشاعر وانحيازاتي تجاه الدين بصفحة واقرا واسمع بحيادية من الطرف الديني واللاديني وانصدمت شون هيج جنت غبية وقافلة مخي( طبيعي لان غسيل دماغ من الطفولة)
المهم لاتتعبون نفسكم بالنقاش مع احد مو ضروري الناس كلها تعرف انتو ملحدين مستحيل شخص مسلم بيوم ليلة يغير دينو
وايضا شيء اخر هذا الاستنتاج وصلت اله بعد ماتابعت حلقات وبثوث كثيرة لحسن عيسى ومازن الملحد وغيرهم وحرفيا الناس الي يجون يناقشوهم قمة الغباء وعدهم iq منخفض ومستحيل يغيرون فكرهم 🧍🏻‍♀️

جنت احب واحد من محافظة بعيدة عني بحياتي ماتخيلت نفسي احب هيج حب وحرفيا نشابه بكل شيء فجاة دخل اخويا للبيت سحب جهازي وشاف كل شيء وعرف علاقتي بيه وعرف اني ملحدة وهو ملحد وهجم البيت على راسي وسحب كل اجهزتي عشت اسوء ١٠ ايام بحياتي اكل وجبة وحدة باليوم ماانام الليل وحلفو يبطلوني من الكلية واني ادرس طب وواصلة مرحلة مهمة تخيلت كل شيء يدمر بحياتي اهلي يوميا يعيروني ياكافرة ياعديمة التربية ياسافلة ياام الولد يام العلاقات متت الف موتة تحملت كل الاهانات والرزايل من امي واخويا وكوه قنعتهم انو اني عندي شبهات وغلطت والشيطان وسوسلي ووسط كل هاي الفوضى تقدملي واحد وصارو يضغطون عليا اكثر يريدون بس اتزوج ويخلصون مني اهلي كلهم صارو مايحجون وياي لا اخواتي ولا اخويا بس امي مرات يرق كلبها عليا لاني بنتها بالنهاية وهددتي اذا مااترك هذا الشخص مستحيل تقبل ارجع للكلية وهاي اخر فرصة ليا ومستحيل تقبل بيه لانو من غير طائفة (اثنينا ملحدين)
هسه صح رجعت للكلية ورجعولي اجهزتي بس خواتي الصغار تغيرو عليا اخويا مايحجي وياي امي تضغط عليا بسالفة الصلاة والالتزام الديني واحس مشاعري خدرت احس بعد مااحس بشيء حتى حاولت انهي حياتي لكن امي منعتني جانو ساحبين اجهزتي وضل يومين للامتحانات وعندي فاينل ومرحلة ثالثة صعبة طنين ملازم نظري حسيت كل شيء انتهى بحياتي لكن أمي تفاهمت مع اخويا ورجعتلي هم هسه احس عشت صدمة قوية ٢٤ ساعة معدتي توجعني احس نفسي كلهم يراقبوني واخويا مايخلي عيونو بعيني ويكولي لاعبالج لان عدنا نفس الام والاب يعني احنا اخوان لو ضاربني ولا كلي هيج كلام بعد احب هذاك الشخص معرف شون راح اتخطى كلما اتذكر الي صار وياي كلبي يوجعني كلما اتذكر انو تهددت بانهاء مستقبلي الدراسي وحتى القتل احس اريد اموت
اول جملة بهاي الفوضى الي صارت بحياتي سمعتها من امي هي هسه جايتني بجكاره باجر تجيني سكرانه وتقدمت تجاهي وضربتني راجدي ضليت صافنه مصدومة

برأيكم تنجح علاقة بنت لادينية ورجل مسلم(مسلم كيوت اقرب للقراني)