اخويا مدمن قمار
الموضوع بدأ معاه بتجربة برامج زي 1xbet وكان بيراهن على المتشات ويلعب الالعاب اللي فيه وكان الاول بيلعب بمبالغ صغيرة وفضل الموضوع يزيد معاه ويكسب ويخسر واي فلوس معاه يروح يلعب بيها قمار حتى على القهوة يروح يلعب دومنه على فلوس وبقا بيسرق فلوس علشان يلعب بيها قمار ولما يكسب يبقا مبسوط ويرقص ويوزع فلوس على الناس ولما يخسر مبلغ كبير يبقا مهموم ويعيط ومسح الابلكيشنز دي كذا مرة ويقولي انا توبت وقالي علشان اساعده وانا حاولت اكلمه انها حرام وانه في الاخر كدا كدا هيخسر وان التطبيقات دي معموله علشان تكسبك شوية وتطمعك وبعدين تخسرك كل فلوسك لكنه بيرجع ينزلها تاني وخسر حوالي 100 الف جنية على مدار سنتين.
هو عنده 18 سنة وهو بطبعه شخصية ادمانية على اي حاجة اكل، سجاير، قمار وهكذا وعنده borderline وبيروح لثيرابست بس حاسس انه مبيتحسنش هو بيطلب مني مساعدة وانا اخوه الكبير بس مش عارف اساعده ازاي
ياريت اللي عنده حل يقول