ليه؟؟؟!!
ليه مبقاش فيه gentleness
بصوا بقي دي حاجات لازم نرجع نعملها
١ مفيش اسمر يتقاله يا اسود
٢ مفيش مليان يتقاله يا تخة
٣ قوم اقف للكبار في المواصلات
٤ لو لقيت ست كبيرة مهتمة بنفسها ولا ماسكة ورد متقولش كبرت وخرفت قد يكون بتعيش لحظة معشتهاش قبل كدة
٥ متزعقش لراجل كبير مهما حصل ومتقولش ما هو كبير ومهزق وشتمني، لو شتمك سيبه وامشي
٦ البنت اللي بتشوفها في الشارع دي بتخوض مليون حرب، حرب انها تطمن اهلها عليها حرب الشعور بالامان حرب اثبات الذات فمتكنش انت كمان عبء عليها ومصدر قلق ليها
٧ عامل العمال بادب طول ما هما بيتكلموا بادب وطول يالك عليهم شويتين زيادة
٨ احترموا الاطفال واحترموا افكارهم ومتقليلوش منهم دول هما حماكم في المستقبل
٩ اللي يرقص في الشارع سيبة اللي يغني سيبة اللي يعمل اي حاجة سيبه طالما لم يتلف شيي او يتعرض ليك باي اذي
١٠ احترموا ثقافة غيركم سواء لبس لهجة معتقد ديانه مذهب ايا كان لازم تتعامل مع ده بكامل الاحترام
١١ لما تشوف حاجة حلوة عند غيرك اتمناها وادعيله ربنا يباركله فيها
١٢ اللي يقول نكته او موقف او فكرة او راي وتحسه بايخ مش لازم تقعد تبص للي معاك وتكتموا الضحك قوي، بلاش التلذذ بالتقليل من الغير ظنا انك كدة هبان perfect