u/Intelligent_Act_7648

مساء الخير يا جماعة،

كنت بناقش موضوع من فترة قريبة مع صديقة، و خلاني افكر في مسألة النودز، و تحديدا ايه الدوافع النفسية ورا رغبتنا في ارسال النودز أو اظهار اعضائنا الجنسية للشريك العاطفي او الجنسي او حتى لأشخاص غرباء عننا احيانا

برأيي الموضوع راجع لدوافع عميقة و أولية و بدائية نوعا ما، بدأ تكوينها في مراحل مبكرة من حياة كل واحد فينا بتتمثل في:

1. صدمة الخزي المبكر Body Shame

معظمنا اتربى في أسر بتتعامل مع الجسد و اجزائه الخاصة باعتبارها "عورة" و مصدر للخزي و الذنب. بتترسخ جوا عقل الطفل فكرة ان في أجزاء من جسمه محرمة و ممنوع حد يطلع عليها، و إلا هيتعرض للرفض من المحيطين و المجتمع. الفكرة دي بتخلق علاقة مشوهة مع اعضاءنا و مناطقنا الحساسة (بتكون بدرجة اكبر مع البنات بسبب المساحة الاكبر اللي محتاجين يغطوها و التشديد الأكبر في كونسبت "العورة"). الخزي ده بيكبر معانا بشكل لا واعي و بيشكل جزء من الصورة اللي بنحملها في عقلنا عن نفسنا و اجسامنا

2. النكوص الطفولي والبحث عن القبول المطلق:

في ظل المشاعر اللي اتكلمنا عنها، بتكون مرحلة الطفولة المبكرة (و احنا toddlers) -المرحلة اللي بتبدأ تتكون فيها ذكرياتنا و اداركنا لمحيطنا بيصبح أوسع- بتكون هي المرحلة اللي بتمثل الحالة المثالية اللي بنتوق ليها في لا وعينا، مرحلة القبول المطلق،

الطفل يجري في الشقة بلبوص وبابا وماما بيسقفوله و يحتفلوا و يضحكوا و يعبروا عن سعادتهم بحب وفرحة عارمة كأنه عمل انجاز خارق.

الطفل يشخ على ماما و هي بتغيرله، كانت تتقبل ده بكل حب و بمجرد ما تخلص تشيله و تاخده في حضنها و تطبطب عليه.

يتف على عمو يلاقي بابا بيهلل و يتنطط و يضحك

دي كانت المرحلة الوحيدة اللي الجسد فيها كان مقبول بشكل مطلق، بدون شروط، وبدون احكام. و كل أفعالنا كانت محل احتفاء و احتفال

لما بنكبر و ندخل في علاقة امنة، رغبتنا الملحة في إن الشريك يشوف أعضاءنا و يقبلها -بل و يعجب بيها- هي محاولة لاستعادة الشعور الطفولي ده. كأننا بندور على مساحة آمنة تقولنا اننا مقبولين ومحبوبين زي ما احنا

بتكون اللحظة اللي بنتحرر فيها من احساس الخزي المرتبط بأعضاءنا، و اللحظة اللي بنصلح فيها العلاقة المشوهة اللي اتخلقت بسبب كم الغموض و مشاعر الذنب و الخزي المرتبطة بالأعضاء دي في مرحلة كان عقلنا فيها اصغر من انه يفهم سبب المبالغة في التستر و الاخفاء للأماكن دي من اجسامنا

طبعا كل ما كانت المشكلة أعقد، كل ما أدت لتصرفات منحرفة عن الطبيعي رغبة في استعادة القبول الضايع ده.

التصرفات دي قد تتعدى فكرة البحث عن القبول لدى الشريك فقط، فتلاقي الشخص بيبعت نودز لغرباء سواء بشكل consented أو لأ. او يخليه يدخل في علاقات جنسية سطحية كتير حتى لو عارف انها مش هتحققله اي satisfaction بل و على الاغلب هيندم عليها، لمجرد انه يثبت لنفسه انه محبوبة و مقبول على مستوى الجسد (ده بيكون ملحوظ اكتر عند البنات، لأن الدوافع الجنسية للرجالة على الاغلب بتكون ابسط بكتير من كده).

طبعا ده مش الدافع الوحيد، و تصرفات زي ابراز الاعضاء في المواصلات او اماكن عامة ليها دوافع تانية غير بريئة ممكن نتكلم فيها في بوست تاني

محتاج اسمع رأيكم و تجاربكم