u/Intelligent_Jury1665

مرحبا

وانا صغيرة ، قرات كتاب بجنن، احلى اشي بطفولتي عنجد .

كان لونه كحلي ، والغلاف كرتوني، وعليه صورة جنية فضية بتشبه جنيات تنكر بيل .

الكتاب كان فيه صور للجنيات بجننو زي شخصيات الانمي .

كان في قصص جنيات متنوعة، زي جنية الشتاء والذىب ، جنية الكرز، جنية التوت، جنية المخلل ، جنية الصيف وجنية الربيع وفي كمان بس نسيت 💔😭😭.

يا جماعة شكلهم بطلو يطبعو الكتاب انا قراته قبل ١٠ سنين وامي كبته زمان.

اللي عنده اياه بليز احكولي وصورولي اسمه اه .

يا ريت يكون موجود عند حدا منكم 🥺😭😭.

الكتاب كان بالعربي مش بالانجليزي

عنجد ساعدوني بدي اياااه اشتقت لطفولتي 😂😂💔💔

مرحبا ، صار معي قصة غريبة اليوم .

كنت مروحة بباص جامعتنا، وكان في شبين قاعدين ورانا، اللي وراي كان بحاول يسحب الكرسي تبعي لورا.

والشب اللي ورا البنت اللي جمبي برضو عمل نفس الحركة الغبية .

فبعدها انا اطلعت فيها، بحكيلها شو هاذ ، هي ضحكت وبعدها لفت وجهها .

قلت يمكن مش قصدهم او الكراسي فيها مشكلة . فطنشت الموضوع .

وانا هيك بطلع عالشباك، كانو يحكو عن البنات، وهذاك صاحبو تارك بنت وهي بدها ترجعلو وابصر شو، وهذاك قاعد بعطي في نصائح وكل حكيهم كان عن البنات.

واكثر اشي استفزني، انه المريض حكا لصاحبه عندي اخت خريجة هندسة كهربائية بذبحها من الكتل .

وقتها لما الحقير حكا هيك انا كرهته عنجد وكان نفسي الف وجهي اشوف شكله المريض ، المقزز الواطي .

فاستنين لما وصل الباص للمجمع، اطلعت وراي ، وشفت شكله، بغل ومعضل، ولما شافاني بدي اطلع من الباص ، قال وقف، وخلاني امرق.

( انه يعني حركة الشب ال الجنتل المان ، اللي بعنف اخته ومحترم مع بنات الناس ، لايديز فيرست 🥹🫠)

طول ما هم قاعدين ورا كان صوتهم عالي وبتخوثو وابصر شو .

وانا وقفت بالمجمع بستنى امي تيجي توخذني، لقيته واقف زي التيس وبطلع علي، مفكرني اعجبت فيه انه لفيت وجهي عليه وانا كان بدي ابزق بوجهه😂.

اذا حدا حكا انه بعنف اخته شو رح يكون موقفكم ؟

رح تحسو انه اشي عادي ولا رح تكرهوه زي ما انا عملت 😂؟