u/Jk_16j

صارلي فتره أتعمق بموضوع الجنه والإسلام ويعني تعمقت كثير بعدين شفت كلام يقول ان الرجل بالجنه راح يكون عنده حوريه عين ويكون عنده كل شي يبيه والفتاه بتكون أجمل من حوريه العين واذا كانت متزوجه بتكون مع زوجها واذا كانت مو متزوجه راح الرب يرزقها بس الي شفته وتأثرت منه هي التعليقات كانو البنات يحكون ويقولون انه الرجال السًَهوانين (ماعدا من رحمهم ربي) لهم كل شي إلا البنات واحس بهذه الوقت قلبي صار يعورني وصرت أفكر بافكار الحاديه والصدق قلبي كثير يعورني على هذه الموضوع واحس مدري شو راح اعمل بهذه الوقت وانا بفتره مراهقه اخاف يطلع كل شي غلط وربي يعاقبني

أنا ولد عمري الحين ١٩ الي صار لي وانا صغير كان شي مو حلو ابد ، كان خالي يخليني ادخل غرفته ويخليني امسك اعضائه وهو يمسك اعضائي ، كان يبوسني ويخليني اقعد بحضنه ويوريني أشياء ١٨+ ، مرت الايام والسنين وهو معي كذا الي ان بيوم قلت له وانا صغير ان هذه الشي غلط ومابي اسويه ومرت الايام والسنين وانا صرت كبير وصرت فاهم ان الشي غلط بس لين الحين اثر هذي الاشياء علي ماراح كنت اكره نفسي واكره جسمي بشكل مو طبيعي وكانت نقطه ضعفي التحرش ، الي ان بيوم كنا أنا وبنات خالاتي وعيال خالاتي قاعدين بالسطح نسولف عن أشياء والي ان وصلنا الي سيره خالي… وحده من البنات قالت ، تعرفون انه تحرش فيني ، وفجاه كلهم صارو يقولون اي تحرش فيني أنا انصدمت وقتها وتجمدت بمكاني وقلت يعني أنا مو الوحيد؟ وفجاه صرت ابكي بعدها وكلهم يواسوني ، الحين أنا بخاطري شي واحد بس، الي هو اني انتقم لبنات وعيال خوالي، الي تعرضو للتحرش مثلي وهم صغار، مع ان أنا الحين اشك انه يسوي المثل مع الصغار واختي الصغيره عمرها ٤ وبنت خالتي الصغيره .،، اتمنى تعطوني افكاركم والأشياء الي تفكرون شنو بتسوون لو هذه صار لكم …