انا عايش برا و عايز رأيكو في ازاي اني الاقي بنت عشان ارتبط بيها
انا عندي ٣٣ سنه لسا تامم ال ٣٣ الشهر اللي فات و سبب من اسباب اني لسه مرتبطش لحد دلوقت اني فعلا بقالي فتره بدور هنا و مفيش نصيب
انا في كندا و العرب هنا موجودين بس مش كتير و أنا عايز ارتبط ببنت مصريه مش حابب اوي اني ارتبط بجنسيه تانيه لاني عشت معظم حياتي في مصر وعايز واحدي شبهي في الثقافه و اللغه و كل حاجه
المصريين هنا جزء من العرب اللي هما مش كتير اصلا… فا عشان الاقي واحده مصريه من المصريين اللي هنا تعجبني و اعجبها دا مش سهل و مش دايما بيكون الاعجاب متبادل
انا بشتغل مهندس و شكلي كويس جدا الحمدلله و شغلي تمام و كل حاجه…مش فاضل الا موضوع الارتباط دا
أنا عارف ان مؤخرا في مصر في بنات كتير بيوافقو عادي علي فكره السفر و كدا فا دي مش حتبقي مشكله بس المشكله بقي اقابل بنات ازاي و اتعرف علي بنات ازاي؟
انا طلباتي سهله خالص، بنت تكون مش اكتر من ٢٩ سنه و تكون متعلمه تعليم كويس و راقيه و مش معني راقيه انها لازم تكون من ايجيبت لول بس يعني اللي هو راقيه في كلامها وطريقه لبسها و مستوي الاهل
و المواصفات الشكليه انا ١٧٩ فا عايز واحده طولي او اقصر شويه عادي بس مش ١٥٠ يعني و الشكل بقي دي لما نتقابل حنشوف احنا عاجبين بعض ولا لا
مسلمه اكيد، محجبه تمام مش محجبه تمام بس تكون كويسه يعني مش جو الالحاد و الكلام دا
انا حاولت اخلي اهلي يشوفولي حد بس معارفنا مش كتير و اللي شافوهم انا الصراحه مكنتش معجب بيهم شكلا
فا انا عايز حلول بقي، هل في جروبس مثلا للتعارف زي جروبس الامهات ممكن امي تدخل فيها و كدا؟ هل في اي حاول تانيه؟
حد هنا شايفه نفسها مناسبه ترفع ايديها 😂
في حد قالي انزل مصر بنفسك بس حتي لو انا نزلت مصر احازه طويله مثلا فأنا برضو محتاج طريقه اتعرف بيها علي بنات لما انزل اجازه
النزول سهل بس عايز طريقه اتعرف بيها