Help
هاي ! من ست سنين أنا أبتديت بحث ف الإسلام و قعدت يعتبر سنه و نص سنتين علي ما اخدت قرار اني اسيب الإسلام و ابقي لأديني …. بعد كدا من سنه ابتديت اقرأ ف الكتاب المقدس و اعرف المسيحيه و كدا و الصراحه بقيت حابب الموضوع جدا و بقيت احب الصلاه المسيحيه اوي ل درجه اني بقيت اصلي كل يوم و مع الوقت تشبعت ب التعاليم و لاقيت نفسي بقعد وقت طويل اسمع مناظرات و محاضرات عن المخطوطات و الترجمات و هكذا… و لكن الصراحه أنا خايف اخد اي خطوه عشان البلد الي فيها لو اخدت خطوه ف حاجه ده خطر و حاجه تانيه …. أنا كان نفسي اتجوز مسيحيه مافيش حد ف بالي بس عايز واحده مسيحيه حاسس كدا هقدر اشير و افكر في ارائي و تشاركني قيمي بس المشكله بقي ف ايه ؟ اني أصلا بحب بنت مسلمه و كنت بفكر اوي اتقدم ليها بعد الجيش بس أنا دلوقتي مش عارف اعمل ايه بجد … الفكره اني انطوائي ف العادي و هادي و بخاف اتكلم مع حد و البنت الي حبيتها حبيتها عشان ذيي كدا و ف سنه التخرج اهو بنذاكر مع بعض و بنهون علي بعض … بس هي ماتعرفش كل ده و لو عرفت مستحيل تبقي معايا …. أنا مش عارف جديا اعمل ايه سواء معاها او اني اتكلم مع اب كاهن او اني افكر. برا أوضتي او أشارك افكاري مع حد حتي لو مسيحي لاني عارف ان ف مصر الوضع مافيهوش حريه او تهاون او رحمه.
ممكن اراء و لو حد مسلم و حول حصل ايه ؟